السبت، 22 مارس، 2014

سؤال




ويظل السؤال.. لما "ص" يظلم "س" .
وبعدها "ع" يظلم "ص".
"س" استفاد إيه بقى ؟؟.
وخصوصا لو معرفش باللي حصل لـ"ص".
ولو" ص" ماحسش بالذنب لحظة تجاه "س".

أصل "ص" اتظلم بعدها بسنيين طويلة.. خلته ينسى هو كان عامل إيه أصلا.. ولا هو مين "س" ده اللي هيفضل فاكره بعد العمر ده كله.
فين جبر "س" هنا؟.
المتفرجين عن بُعد بس واللي متابعين الحلقات من الأول هما اللي ممكن يخبطوا كف بكف ويقولوا"لاحول ولا قوة إلا بالله.. داين تدان".
طيب و"س" يا جماعة !.
"س" يا اخواننا!.
"س" يا جدعان هيفضل مظلوم كده وعايش بقهرته لا منه عرف أن اللي ظلمه اتظلم ولا منه حقه رجعله !
.
















هناك تعليقان (2):

  1. كلامك مش واضح يا موناليزا؟! مين "س" ومين "ص" ومين "ع"؟
    وهل لما يكنسل "ص" موضوع "س" يبقى ظالمه؟!

    ردحذف
    الردود
    1. "س" و "ص" و"ع" حروف مجازية عن أشخاص
      بدلا من "الشخص الأول" و "الشخص الثاني" و" الشخص الثالث" مثلا

      السؤال هنا "ص" كنسل "س" إمتى؟
      يعني مثلا رجعله حقه اللي سرقه أو نصب عليه فيه وبعد كده قطع العلاقة
      هل ساعد في ظلمه أو هو ظلمه بنفسه وبعد كده ضميره صحى ورد مظلمته وصلح اللي اتكسر وبعد كده كنسله؟
      هل بعد ما غلط في حقه وأهانه أو... أو.. أو.. اعتذر له وأبدى أسفه وبعدين كنسله؟

      لكن لو عمل في "س" أي مصيبة كسرته وسابه كده ومشي ونسيه أصلا طبعا يبقى ظالمه لأن "س" مانساش وجرحه لسه صاحي بيفكره أنه طول الوقت يدعي على اللي ظلمه واتسبب في كسره

      حذف