السبت، 28 فبراير 2015

مقتطفات نسائية (41)







أنا من يوم ما حبيتك وأنا بعمل علشانك.. جه الوقت اللي أسأل نفسي هو عمل إيه علشاني

-------------------------

زي ما أنت بتتلذذ بعذابي بإننا في مكان واحد وأنت مابتكلمنيش..
 أنا بقى هسيبك تستمتع ببعدي النهائي وهسيبلك البيت كله.

--------------------

جرحك علمني إن لو حد حلف عليا علشان يجبرني أعمل حاجة أنا مش عايزاها..
إني ماعملهاش
وده هيخليه يا إما يصوم 3 أيام علشان يبر بقسمه علشان يعرف يكلمني تاني ووقتها هيحرم يحلف عليا
يا إما ينفذ يمينه وفي الحالة دي يبقى بناقص وتبقى جت منه.


---------------------




- أشتاق لرسالة من صديق وقصيدة من حبيب.


--------------------

لو حبك كنتي مليتي عينيه

----------------------------


- لو كانت مبادئنا واحدة يبقى على بركة الله.

---------------------

- تصدق كنت مفكرة أني فارقة معاك

كنت مفكرة أن زعلي منك هيأثر فيك

خطأ اعتقدت أني مهمة في حياتك ولست عابرة سبيل.

------------------

- كان موبايلي لا يستقبل سوى رسائلك فقط الآن يستقبل من

الجميع ماعدا أنت.
 ----


شعور رائع لما يكون في حياتك حد بيهتم بيك وبيكلمك قبل ماتخرج

 ويوصيك على نفسك ويكلمك لما ترجع علشان يطمن عليك.

------------------

مريت بأحداث كثيرة مؤلمة في حياتي ولكن يبقى يوم افتراقنا

أشدها ألماً على الإطلاق.

------------------

بدل ما بتعرفش تقول رأيك في حاجة ولا بتعرف تتصرف في أي

موقف كنت بتسألني مالي ليه!!

-------------------

لا أعلم لماذا برودة الجو وقطرات المطر تشعرني بالدفء،

 فقط ينقصني وجودك لتكتمل سعادتي.

--------------------

- ازاي أدي الأمان لراجل تاني.. إذا كان زوجي سرقني وخاني وغدر

بيا وباعني.

-------------------

بكره أوى كلمة "أنا عاملك مفاجأة "

فاجئني يا حبيبي من غير مقدمات

----

معقول تبقى عندي في كفة واحدة مع أكتر حد آذاني .

 بعد ما كنت بالنسبة لي الدوا اللي هينسيني غدر الزمن وجرحه!



الجمعة، 27 فبراير 2015

حاجات كده





على سبيل التمني، وحـشـــــــتـنـي
وعلى سبيل الامتنان، أنت إنسـان
وعلى سبيل السعادة، ضحتك سكر زيادة
وعلى سبيل الفرحة، سأرتدي لكَ قريباً الفستان والطرحة.

فكن على استعداد وابتهج فعروستك ستزين الزفة، وستنتظرك في الهودج بلهفة.





الخميس، 26 فبراير 2015

ملهاش تالت


لما تسلمك قلبها
قدامك اختيارين
يا تطلع راجل وتحافظ عليه
 
يا تطلع راجل وماتقربش منه أصلا بما أنك مش هتكون ليه








الأربعاء، 25 فبراير 2015

الثلاثاء، 24 فبراير 2015

الاثنين، 23 فبراير 2015

الوجع




الوجع ليس في احتياجي لحضنك ولا أجده
الوجع الحق أن أخبرك باحتياجي هذا في لحظة ضعف وأيضا لا أجده!









الأحد، 22 فبراير 2015

هكذا أراها



بعد الطلاق
حبت تثبت له أنها ناجحة وأن حياتها مش واقفة عليه
فاشتغلت مذيعة، وبقت تتكلم كتير أوي لدرجة ماتديش للضيف فرصة

 (مفكراها شقاوة وخفة دم) وهي محاولة للفت الانتباه أنها من غيره في أحسن حالاتها وأنه أكيد خسر واحدة في حيويتها ونشاطها وثقتها في نفسها.








السبت، 21 فبراير 2015

الجمعة، 20 فبراير 2015

مقتطفات نسائية (40)




لسه فاكر ولا خلاص نسيتني؟.
لسه فاكر ولا خلاص عينيك باعتني؟.
أنا لسه فاكرة
ولسه بشتاق
ولسه بحن،
ولسه بـ....

------------------------------

مابعرفش أرجع في علاقة بعد ما أكون خلاص نهيتها.
----------------------------------

مش عايزة لما اكبر ألاقي نفسي لوحدي.

-----------------------------------

قيود العلاقات.. ماليش فيها.

----------------------------------

مش مهم يحب اللي بحبه
 المهم يكون بيحبني أنا ..والحاجات التانية دي تبقى تيجي بعدين.

 ----


اكتشفت انه بيحب غيري وعايز ينساها بيا

ولما مقدرش ينساها قالي

قال يعني كده هيخفف جرحي لما يعترف لي انه كل كلامه ليا كان كذب

 ومشاعره وحبه كانوا ليها مش ليا

اللي زي ده تفتكري أنتقم لقلبي منه ازاي

ولا هو مفكر أني هاخد صدمتي وهرحل في صمت

---------------------------

لا تخشى شيئا يا صغيري فقط سأنزع جفونك لتحرم من لذة النوم ما حييت.


-----------------------

مكنش لازم تعبث معايا. تذكر تحذيراتي المتكررة لك ورغبتي

 الصريحة في عدم معاداتك لكنك أعلنت عليَّ الكراهية والعداء

إذن فعليك أن تستقبل لفحاتي في صمت

------------------------


أريدك أن تتذكر أن أول اتصال كان منك.

وأول رسالة كانت منك.

وأول محاولة للتقرب كانت منك.

فلماذا بعد اقتحامك لحياتي تحرمني الآن منك.

-------------------

ترى فى عينيه دهاء الثغلب ومكره ومع ذلك تريد خوض المغامرة

لتجعل مكره فى نحره.

------------------------


جيت تداوي نفسك جرحتني وأنا بطمن عليك.

--------------------

يا من تبدأ دوماً بالسلام أما علمت بأن الله يبغض الخصام.

------------------------


محتاج تخس شوية يا حبيبى ..

أنا عايزة أجري معاك تحت المطر فمش عايزاك تهنج مني بعد أول دقيقتين!

------------------


الأخت اللي عمالة تكلمني عن خطيبها

 واللي بتكلم خطيبها في التليفون قدامي

 واللي بتشير صور رومانسية وكلام غرام على الفيس

 هو مفيش مراعاة خالص لمشاعر السناجل ولا إيه!.

--------------------------


بيحبها أوي حتى بعد ما بقت لغيره لدرجة تخليه يحط حاجز بيني

وبينه وهو عارف إني روحي فيه لمجرد أني صاحبتها وعرفني عن

طريقها..

الأربعاء، 18 فبراير 2015

قبلة حقيرة









قبلته لها لم تكن حباً عاصفاً، ولا رغبة جارفة، ولا حتى نزوة عابرة؛ بل كانت أداة انتقام تثبت أنه يستطيع فعلها.







الاثنين، 16 فبراير 2015

قلب سادي





أهدته قلبها فطعنها بقسوته. ولم يهدأ له بالاً إلا بعدما أدمى مضغتها بين يديه، وحينما تناثرت القطرات الحمراء على وجهه.. ثار، وهاج، وأشاع على الملأ كم هي حقيرة،
 أما علمت بأن متعته في ساديته!








السبت، 14 فبراير 2015

يده





كانت تحب في الرجل خشونة يده، ولمسته القاسية.
 أما هو فكانت يداه ناعمة، مرنة، كأنها تخص فتاة مُدللة.

الخميس، 12 فبراير 2015

عن عشقهن له





إيه السر في أن كل واحدة تقرب منك تبقى عايزة ترقص معاك!

-----

أراه مُلهم للكثيرات؛ فهو يقتحمهم بجرأة، ويتركهم في نشوة، ويستدرجهم لما يريد دون أن يطرف له جفن..
محترف هو، وغريرات هن.

-----

أرى ضحية أخرى تحوم في الأفق.







الأربعاء، 11 فبراير 2015

مواقف مخزية (2)


قررت تكون له زي فتيات الاعلانات
حاجة كده ملوكي تخليه يحس أنه شهريار زمانه
قال عليها منحلة وطلقها بعد ما طعن في شرفها وأخلاقها

------

لم يطلب منها كلمة السر الخاصة بحساباتها على الانترنت؛ ولكنها اكتشفت- عن طريق الصدفة- أنه يضع برنامج للتجسس على جهاز الكمبيوتر يمكنه من قراءة كل ما فعلته فور دخولها النت.

------

دخل غرفة المعيشة وجد زوجته تشاهد برنامج هبة قطب
فكان رده: أنتي قليلة الأدب
وانتبه قليلا فوجد أمه تتابع معها
فقال: أنتي عايزة تعلمي أمي قلة الأدب
!-

--------
أسعد لحظات حياته وهو شايفها متبهدلة في المطبخ
 ---------
- وماله يا حبيبي أشيل الأكل واعمل أكل تاني أنا أهم حاجة عندي إنك تكون مبسوط.
لكن يا ترى إيه أهم حاجة عندك؟
أقولك أنا؟
أنك برضه تكون مبسوط
يا بختها نفسك بيك