الثلاثاء، 31 مارس 2015

الإجابة موجعة



لماذا لم تقدر حبها
لماذا لم تحترم عشقها
لماذا تعمدت إهانتها والقسوة عليها
لماذا استغليت ضعفها

لماذا ضغط على وجعها

الاثنين، 30 مارس 2015

مقتطفات نسائية(44)





أقلمت نفسي على الوحدة وحبيت حياتي كده.. ليه تدخل حياتي عنوة وبعد كده تبعد.
ليه توجعني باختفائك بعد ما طيبتني بظهورك.
كرامتي وجعاني إني أسأل عليك.
وقلبي بياكلني من شوقه إليك.

----------------------


اللي مش عاجبكم ده أنضف ميت مرة من اللي فكرتوه بتاع ربنا

على الأقل هو ماكذبش وبيعترف أنه عاصي وبلاوية سودا فمهما

يعمل متوقع منه

لكن التاني بقى مستخبي ورا قناع قال الله وقال الرسول وهو

مايعرفش عنهم حاجة

---------------


أريد هدية تفاجئني بمُرسِلها فتعيد لابتسامتي الحياة.

--------------------

الاهتمام بالتفاصيل من أبسط علامات المحبة.


---------------------

شكراً لإنك بتيجي في الوقت اللي بكون خلاص نسيتك فيه
مش قلت لك قبل كده لضمان تذكري الدائم لك عليك التواجد في محيطي بصفة مستمرة

----------------------

أتدري ما الكارثة؟ إني استنشقت رائحتك أمس لدرجة جعلتني ألتفت بحثاً عنك وأهديت لك أغنية ليلاً.. ثم الآن أستيقظ على رسالتك.
أريد أن أفهم ما السر في ارتباط أرواحنا رغم فراق السنين!

--------------------

فاكر لما استنيت منك رسالة.. كنت وقتها مشتاقة أوي أنى اسمع صوتك.
-----------------

أفضل أن يكون سبب غيابي عن الناس موتي وليس زواجي.
ففي الأولى سيترحمون عليا وسيظلون يتذكرونني كلما مر طيفى بخيالهم.
وفي الثانية يا هيشفقوا عليا أو هيحسدوا فيا وشوية وهينسوني.

---------------


آه لو تعرف إني مش مستحملة دلوقتي أي كلام من حد.. اللي فيا مكفيني ..
عملت حفلة وعزمت الناس ويا عالم العريس هييجي ولا لأ.. أخباره منقطعة عني ومقدرش أعلن عن ده ولا لأي حد.. مش عايزة حد يشمت فيا.. قرايبه بيقولولي أنه في الطريق وأنه كلمهم قبل ما يركب الباخرة وبيقولولي ماتقلقيش
 لكن خلاص الوقت قرب وغصب عني لازم أقلق ومش كفاية قلقي من يوم الحفلة والتجهيزات اللي تأخيره خلاني ماعملتش فيها حاجة.. هونها يارب.

------------------

- بقى معقول كل الناس اللي اعرفهم في حياتي ومافيهمش حد ممكن أفضفض معاه وأحس أنه هيطمني وكلامه هيريحني..
ماهو طبيعي وأنتي طول الوقت بالنسبة لهم الجبل اللي بيرموا حمولهم عليه.
بس أنا تعبت ومحتاجة حد يكلمني ويطمني ويطبطب عليا ويحضني..
أنا انسانة زيهم بحس وبتألم ومن حقي فى يوم وجعي ألاقي اللي يطبطب عليا أو يقدم لي حل مباشر.







الأحد، 29 مارس 2015

صدمة





مكنش لازم تجيلى وأنت سكران
مكنش لازم أشوفك وأنت كده ضارب بعرض قيمى وحيائى عرض الحائط

لم أعد أريدك

السبت، 28 مارس 2015

الحب رغم الوجع







وبعد ما شتمتك ودعيت عليك

أقعد أعيط وأقول يارب لأ ده برضه حبيبي

------

مش هاين عليا أجرحك بس أنت وجعتني

-------


صبرى عليك مش ضعف؛ ده حب
وقسوتى عليك مش كره؛ دى قوة
ليه وصلت اللي بينا لكده







الجمعة، 27 مارس 2015

في البعد أحلى





وتبقى المعادلة المستحيلة
كلما تقاربنا في المكان بعدت بيننا المسافة

وكلما تباعدنا زدنا قربًا.






الأربعاء، 25 مارس 2015

يراها فريسة







داعب أنوثتها، فاخترقت رائحة شهوته أنفها عبر الأثير؛
 فأغلقت شاشة الحاسوب سريعًا بعد أن قامت بحظره.

الثلاثاء، 24 مارس 2015

الاثنين، 23 مارس 2015

خائن


أنت حيوان على فكرة
مش علشان بتقرب منها وأنت متجوز
- كده أنت خاين -
لكن علشان وأنت بتقرب منها مخبي عنها تماما أنك متجوز

السبت، 21 مارس 2015

قوقعة آمنة






تتقوقع على ذاتها حد الانكماش محاولة الاختفاء عن عيون العالم الخارجى..
رغبة منها أن تمد لنفسها الأمان الذى تحتاجه.





الجمعة، 20 مارس 2015

مقتطفات نسائية 43




أنت كنت متوقع إني هزعل عليك العمر كله ولا إيه!
تبقى غلطان
أنا قبلك شوفت كتير
أنت مش أول حد يخذلني ولا أول صدمة في حياتي
وده ساعدني إني أنساك بسرعة

 ------


ليه شايفنى علشان بنت المفروض أني أكون بعرف اعمل شغل البيت ..
 مش لازم حد يعلمني الأول!

------------------

كم أعشقه حين يناديني "يا صغيرتي "

----------------------

ما بحبش الوقت اللي بتسيبني لوحدي فيه لأني بضيعه في البحث عنك من خلال تتبع صفحتك على الفيس وبرضه بتضايق لما في الآخر مش بلاقيك وأكتشف أني ضيعت ساعات وأنا ولا على بالك.
 ------


أنت اللي وصلت اللي بينا لدرجة دي
أنت اللي خنت العهد
أيوة عايزة أكلمك واسمع صوتك
لكن مش قادرة
سامحني يا حبيبي.. أنت السبب.

------------------

تباً للفراغ العاطفي الذي يجعلك تجيد فن التظاهر بالحب.

-------------------

إذا كان خط المحمول يفقد صلاحيته بعد انتهاء الثلاثة شهور سماح و يفقد صاحب الخط ملكيته له  فهل يعقل إنك مازلتي تعتبرين نفسك ملكيته بعد مرور شهور دون الاتصال بكِ وعاطياه صلاحية مدى الحياة ..أين كرامتك يا فتاة !!

------------------
  

رغم كل ما فعلت إلا أني لا أنسى أبداً أنك احترمتني دوماً


----------------------

آخر حاجة كنت متوقعاها منك إنك ماتهتمش تصالحني
 وتسيبنى أنام وأنا زعلانة منك
وبعد ما تصحى ماتفكرش حتى تبعت لي رسالة .
للدرجة دي أنا رخيصة عندك.

----------------------

هل تنتظر أن آتي لك ذليلة منكسرة أطلب تعاطفك وشفقتك تجاهي
أم تنتظر عتاب صارخ يطيح بكل شيء
أم لا تكترث أصلاً لما حدث!










الخميس، 19 مارس 2015

العيب مش فيكي.. ولا فيه





 لما تكوني أنتِ ماركة غالية وهو يهينك فده معناه إنه مش عارف قيمتك هو يادوب آخره واحدة من أم اتنين ونص من اللى منهم كتير فى السوق..
هيعرفوا يتعاملوا مع بعض كويس..ماهو فيه ناس مابتعرفش تستوعب فكرة إن معاها حاجة غالية حتى لو كانت ساعة هتلاقيه عاينها ومابيلبسهاش غير في المناسبات وبس ولو لبسها كمان.

الأربعاء، 18 مارس 2015

فجوة موجعة





 يااه يا بابا ده بدل ماتحاول تقرب مني وتتكلم معايا بعد الفجوة الكبيرة اللي بينا..
 جاي تزعق لي علشان لقيت محفظتك فاضية.. طيب وأنا مالي.. مش ابنك اللى يا ما دلعته أكتر مننا كلنا هو اللي فضاها.. مش ده اللي دخلته مدارس خاصة وكنت بتديله مصروف يومي من وهو في حضانة في الوقت اللي أنا واخواتي كانت مدارسنا حكومة ومعرفناش يعني إيه مصروف غير لما دخلنا الجامعة ..
مش ده اللي كنت بتديله دروس بمبلغ وقدره حتى وهو في الجامعة ..
 مش ده اللي لما كان بيسهر بره البيت وهو لسه في ثانوي ومايجيش غير قرب الفجر وكنت أنا أزعق له على تأخيره تزعقلي أنا وتقف في صفه..
مش ده اللي لما عرفت أنه بيشرب سجاير وحشيش ماعملتش حاجة غير السكوت..
 جاي تزعق لي أنه خد منك فلوس امبارح رغم أني قايلالك أنه خدها علشان يجيب لي بيها حاجات محتاجاها..
 كأنك بتقولي مش من حقك تاخدى مني فلوس ..
 جاي دلوقتى تقول أنك ماعدتش معاك فلوس..
 طيب وماقلتهاش ليه من الأول؟؟
 على الأقل ده شيء أنا متعودة عليه من صغري أن أي حاجة كنت بطلبها منك فين وفين على ماتيجي ده لو جت ..
على الأقل أنا دلوقتى كبيرة وهفهم أنك معكش فلوس..
عموماً شكراً.




الثلاثاء، 17 مارس 2015

وحدك من أضعف أمامه






ماكنش ينفع أعيط قدامهم لازم أبان قوية لآخر نفس في عمري مهما كان عظم المصاب.. لكني لم أتمالك نفسي حين رؤيتك فألقيت نفسي بداخلك وانفجرت في البكاء.. فأنت فقط من أسمح لنفسي أن تضعف أمامه وأنت فقط من كنت أنتظره ليطبطب عليّ ويهون عليّ مصابي.

الاثنين، 16 مارس 2015

لن




- لن أصرخ جوارك رغم رغبتي الشديدة لتدرك حجم ما أعانية من لوعة نبرتي.

- لن أبكِ بحرقة وشهقة مخيفة تتخيل معها بأن روحي ستغادر جسدي فور انتهائها.

- لن أوصف لك تصدعات جسدي ومايصاحبه من وخزات موجعة وتشققات في الروح.


لن أظهر ضعفي أمامك ولن ترني إلا قوية صامدة.

الأحد، 15 مارس 2015

حالة منسية





تسببت في وجع قلبي للمرة الثانية على التوالي
هل هذا كان الوقت المناسب لتريني رسالتك لها؟
انتظرت رسالة منك لي تنهي ما بدأناه وتطلق رصاصة الرحمة على قلبي سريعاً
فإذ بك ترسل رسالة كنت كتبتها لأحداهن يوماً ما!
هل ذكرتك بها إلى هذ الحد؟

أم أردت تذكيري بأني مجرد حالة في دفتر حالاتك المنسية
 وأن التفاصيل فى حياتك تتكرر كثيراً.






السبت، 14 مارس 2015

المنقذة





مش أنا اللي تتهمها إنها مهملة ومابتهتمش بأمها المريضة
تعرف ليه؟
لإن في الوقت اللي كنتوا مفكرين إنها عندها شوية برد
 كنت أنا بسأل وببحث عن الأعراض اللي عندها واللي من أول ما تعبت ماكنتش شايفاه برد لغاية ماعرفت أشخص الحالة وأجيب طبيب مناسب..
الدور عليكم اللي شوفتوها بتموت واستنيتوني لما آجي علشان تسألوني
 رغم إنى مش طبيبة ولا حاجة والمستشفى جنب البيت.


اللي بيهتم بجد هو اللي بيحاول يساعد اللي قدامه من غير ما يستنى كلمة "الحقني "




الجمعة، 13 مارس 2015

حبك كان غلطة





- عارف يعني إيه استناك وأنا اكتر حاجة بكرهها الانتظار؟
- عارف يعني إيه أسيبك تشرب سجاير قدامي من غير ما اعلق وأنا مابطيقش ريحة الدخان؟
- عارف يعنى إيه أحكيلك عن حياتي وأحلامي وأشاركك خيالاتي وأنا بطبعى صامتة ومابحبش اتكلم عن نفسي؟
- عارف يعني إيه تبقى مزعلني وأنا اللي أحاول أصالحك وأقرب منك؟


يعنى إنك ماتستاهلش تكون موجود في حياتي بعد كده.

الخميس، 12 مارس 2015

حب الجنون





- أنا فرحانة أوي.. تعرف لو كنت قدامي دلوقتي كنت عملت إيه؟..
 كنت وقفت قدامك ومسكت إيديك الإتنين ولفيت بيك جامد.
- وأنتي لو قدامي كنت شيلتك ولفيت بيكي.
- هتعلق في رقبتك أوي وقتها.

- هنزلك بقى علشان ضهري وجعني :)






الأربعاء، 11 مارس 2015

كبرياء قصيرة القامة






قال: لو لم تكونى قصيرة ما اضطررتي لرفع رأسك هكذا أثناء محادثتي.


أجابت: دائماً أنا رأسي مرفوعة ولهذا لا أشعر بقصر قامتي


 ولا بطول من يحدثني .






الثلاثاء، 10 مارس 2015

مقتطفات نسائية 42


ورغم أنه كلمني كتير وأنا مارديتش إلا أنه بعدها بشهر عاود الاتصال بيا تاني وكان أول حاجة قلتهاله أني زعلانه منه علشان سابني ده كله
ورغم أن أنا اللي غلطانة إلا أنه صالحني وقالي "حقك عليا".

-------------------

أنت اكتر حاجة بتعرف تعملها أنك تعمل نفسك ميت.

---------------------

تكمن متعتي في كيفية إسعادك.

----------------------

أريد أن يشتهيني زوجي دائما


أكون له وجبته الصحية التي لايمل منها ولا يشقى

------------------



أشكرك كثيراً فقد نجحت ببراعة أن تزيل الغشاوة السوداء من على عيني
 واستطعت أن أراك جيداً وهذا لم يكن يستطيع أحد فعله معي لو لم تقوم أنت بذلك.

-------------------

ليس إنجازأن تحبك لإن سهام كيوبيد لا دخل لك فيه
ولكن الإنجاز أن تحافظ على هذا الحب بداخلها تجاهك.

------------------

سأطبع قبلاتي على جسدك لتصير موشوماً بها مدى الحياة.

----------------------



ليه مش مستوعب إنه ماعدتش ينفع تطلب مني حاجة ولا حتى تنتظر مني حاجة

ماعدتش ليك عندي حقوق.

--------------------

بحب خوفك عليا حتى من نفسي
بحبك لما بتحميني من جنوني

-----------------

تعرف رغم فراق السنين ورغم عدم مهاتفتي لك  قرابة عشرة سنوات
 ورغم عدم حفظ رقمك على هاتفي الجديد
 إلا أن ذاكرتي مازالت  تحفظ رقم هاتفك عن ظهر قلب..
 جل ما أخشاه أن تكون بدلته برقم آخر.


الاثنين، 9 مارس 2015

الحب عطاء




-  إزاي تحبي حد مالكيش ذكريات معاه؟
ليه بيكفيكي منه بس أنك تشوفيه في أحلامك علشان تصحي مبسوطة؟

- أنا بحبه بصدق وإخلاص والدليل أني مش عايزة منه حاجة
أي واحدة تانية هتحب اهتمامه بيها وحبه ليها
ويبقى غبي لو صدق أنها بتحبه لشخصه.


الحب عطاء.












الأحد، 8 مارس 2015

حينما تحقق الحلم






دعوت الله كثيراً أن يرزقني برجل ينطبق عليه مواصفاتك
ثم أتيت أنت بكل ما تمنيت
وكم كانت سعادتي فدعائي تحقق وبنفس طريقة التعارف التي تمنيتها
كل شيء حتى لون سيارتك لم أنسه من دعائي


ثم رحلت مثلما آتيت.

السبت، 7 مارس 2015

كبرت قبل الآوان




يتعاملون معها كعجوز تخطت االثمانين.
يبثون إليها أوجاعهم ويلقون حمولتهم العفنة في وجهها ويرحلون.

وكأن سنوات عمرها القليلة، وزهدها فى الحياة أعطاهم الحق في أنها قد أصبحت تملك من الحكمة الكثير.

الجمعة، 6 مارس 2015

سؤال يستحق التأمل





يا ترى اللي خطوبتها بتتفسخ بعد قصة حب كبيرة بتحس بالندم

 لإنها عصت ربنا لما قالت كلام يفضح مشاعرها الخاصة

لراجل غريب عنها؟

أو لو كان لمسها أو حتى باسها.



ولا بس بتبقى مشغولة بوجع الفراق ؟