الأحد، 28 سبتمبر، 2014

مأساة أم





طيب وأنا ذنبي إيه إذا كان كل اللي بيقربوا مني متجوزين
 بس ياريتهم عايزين جواز لأ ده الموضوع بالنسبة لهم مجرد اكتشاف

---------------------------------------------

أمي تاعبة نفسها ع الفاضي
عمالة تضغط على أعصابها بطريقة مستفزة لدرجة أن جسمها مابيستحملش
هي عايزة ولادها يبقوا أحسن ناس
نفسها ابنها يلاقي شغل بره ويسافر علشان يقدر يكون نفسه
ونفسها بنتها تتجوز أو تشتغل بدل ماهي قاعدة في البيت كده
هي ماتعرفش أن اللي هي بتعمله ده عمره ما هيتسبب في سعادتهم لأن مفيش في إيدها حاجة
اللي هيتسبب في سعادتهم أنها تعيش بينهم وصحتها كويسة
وأي حاجة تانية فده نصيب هي مش هتقدر تغيره

-------------------------------------

بطلي بقى تشحتي عليا وتحسيسني أني عالة عليكم
كل ما تشوفي حد يا تسأليه عن عريس أو عن شغل ليا
محدش بيتجوز كده ولا حد بيشتغل كده
ولو فيه بجد فأنا ما أقبلش على نفسي ترخيصي كده
غليني شوية في عيون الناس
هيبقى من كله يعني







ليست هناك تعليقات:

إرسال تعليق