مش عارف يفهمها

- تشعر المرأة بغباء الرجل حينما يسألها ببراءة:

- أنتي زعلتي!!

 ويكون لسه قايلها كلام زى الطوب.

- اتأخرت عليكي؟..

 بعد ما يكون سايبها ساعتين مستنياه.

- يعنى عايزانى أعمل إيه.. 

وأنا لو عارفة كنت سألتك!

-أنا مش عارف احنا سيبنا بعض ليه؟

 ده على اعتبار إنك طلقتني وأنت نايم!.

- هو مفيش حاجة أجيبها بتعجبك؟ ..

 ما هو ده لإنك ما بتجيبش اللي أنا قلت لك عليه.

-أنتي نايمة؟..

 يعنى بعد ما صحيتنى من عز نومي عايزنى أرد عليك أقولك إيه!

- أنتي ما بتحبيش تروحي معايا عند ماما ليه؟..

 ده على اعتبار إنك مابتشوفش كلامها اللطيف معايا.

- إيه يعني لما أحكي لماما على خروجتنا سوا عاملاها مشكلة ليه؟..

 لا ولا حاجة ما كنت تجيبها معانا أحسن.

- إيه المشكلة لما اعزم صحابي على العشا النهاردة؟..

 لا أبداً بس لو كنت عرفتني قبلها مكنش حصل حاجة.

- أنتي مكبرة الموضوع كده ليه؟..

 لإنه فعلاً كبير وأنا زهقت.

أيها الرجل ضع نفسك مكاني وستعرف معاناتي معك.