السبت، 20 سبتمبر، 2014

مقتطفات نسائية (26)




- نفسي أوي حد ينادي عليا وألاقية يجري عليا مشتاق فرحان.

-----------------------

- أنت فعلاً تقدر تأذيني بأي طريقة لكن خوفك على بنتك هو اللي هيمنعك
 ماهو كما تدين تدان

---------------------

- أنت آخر حد ماتوقعتش إني مش هاخده معايا للسنة الجديدة
 وهكتفي بكونة كان معايا في سنوات قديمة فاتت خلاص.

-------------------------

- بحب أوي أقرأ رسايلي ليك

أصلها صادقة أوي

وألاقي نفسي بقول إزاي حد يقرأ كل الكلمات دي ويبقى بالبرود ده

بلاقيني كاتبة أدق تفاصيل مشاعري اللي حسيتها
 وببقى متوقعة منك رد تفصيلي بالمقابل
لكنك بتصدمني بصمتك.


---------------------

- من كتر ما هى بريئة والتهمة متفصلة على مقاسها مش عارفة تدافع عن نفسها ولا حتى بكلمة مظلومة .. تكتفي بالصمت ونظرات الدهشة والقهر الداخلي.

----------------

- طبعاً لازم يحبوها أصلها شبههم موجوعة ومجروحة وبتتكلم بلسانهم.

-----------------------

- أنت معتقد إن علشان ولادي معاك ده هيخليني أرجع لك تانى..
 تبقى غلطان ومعرفتنيش كويس.. هما ولادك زي ما هما ولادي وأنت أولى بيهم..
 وأنا مش عايزاهم.. ربيهم زي ما يعجبك ولا هيأثر فيا.

-------------------------

-أنت مابتعرفش تحافظ على الناس حواليك..
غرورك بيصورلك إن وجودهم في حياتك أساسى ليهم..
 مع إنك من غيرهم ولا حاجة.

---------------

عارف يعنى إيه أعاتبك بوجع وأقولك حافظ عليا؟
يعنى خلاص جبت آخرك معايا ودي آخر فرصة بديهالك.

-------------------


- بيقولي الكلام معاكي بيريحني .. ده على اعتبار أني طبيبتك النفسية!.

--------------

أمي بتقولي أنا شايفاكي معاه مبسوطة وده اللي يهمني ..
ما هو ده لإن عندي فراغ وأي حد هيحاول يملاً فراغي طبيعي هكون مبسوطة معاه.

-----------------------------


ترى في حفل عرسي من ستكلف بمصاحبتي.

-------------------------

لسه ماقابلتش اللي يستاهل أني أشيل اسمه.

------------------------------------------


- حينما عدت إليك لم أجدك في انتظاري.

------------------

- مش معنى إني نسيتك إني سامحتك.

----------------

ما بحبش أنصاف الحلول..
 يا إما معاك وليا كل حاجة.. يا إما مش معاك وماليش ولا حاجة.

--------------


- أجمل ما فيك اسمك .. ليتك أخذت صفاته.

-----------------------

- صعب أوي إنك تحب حد مش ليك.. والأصعب إنك تحب حد مش شايف فيه أية مميزات.. وكمان كل حاجة فيك رافضاه.
ولولا أعراض الحب الظاهرة والتي رآها الجميع والتي شعرت بها
 ما كنت تقتنع إنك وقعت حقاً في حبه.







هناك تعليقان (2):

  1. محدش بيبقي عارف انه بيحب - غالبا - الا بعد ما يخسر حبيبه
    وهي دي الشفره او لعنة الحب اللي مفيش في نهايته نور .

    ردحذف
    الردود
    1. في الأول يمكن.. لكن مع الوقت في أعراض كده هتظهر عليه زي أعراض دور البرد وقتها هيبدأ ياخد باله

      حذف