السبت، 11 يناير 2014

فتحي عينيكي







مؤدبة حد السذاجة وسهل أي حد يضحك عليها.

منحلة حد النصاحة ومحدش يقدر يثبتها بكلمتين.

.
الدنيا مش يا أبيض يا أسود..


 أوقات الرمادي بيحميكِ من الوقوع في الغلط.


مش ضرورى أن المؤدبة ماتتجوزش عُرفي مثلاً.

ومش شرط أن المنحلة تكون مقيمة في بيت دعارة.



فما أجمل أن تكوني مؤدبة حد النصاحة.


***************************


لما تحبي واحد وتمشي معاه سنتين تلاتة وتتخطبي له 

سنتين تلاتة وترفضى تكتبى الكتاب بحجة

 "علشان لو سيبنا بعض مابقاش مُطلقة"


طيب ماهو أنتوا كده لو سيبتوا بعض هتندمي أنك عملتي معاه 

حاجات أكيد تغضب ربنا..

(لمسة إيد - قبلة ع الطاير - حضن على السريع- إلخ).


منطق غريب أنك تخافي على نفسك من مجرد لقب في بطاقة 



وماتخافيش من عذاب ربنا!!.






هناك تعليق واحد: