الجمعة، 10 يناير، 2014

مقتطفات نسائية (6)






من الغباء أنك تعيشي مع حد عمره ما اتسبب يوم في فرحك.

***********************

كنت في حضنك امبارح وصحيت وأنا حاضنة طيفك.
وحشتني.

----------------------------

امتى تزعلي على انتهاء علاقة؟
لما تدي فيها أكتر مما يستحق.

-------------------------

لو حبك كنتي مليتي عينيه.

-----------------------------

أنت خلتني مستعدة أنزل أشتريلك الحشيش بنفسي
 بعد ما بشوفك من غيره شخص لا تطاق.

--------------------------------

بيعجبنى شراسته وقوة شخصيته .. مين ممكن يقرب مني وأنا معاه.

-------------------------

أكاد أقبل يديها وألح عليها ألا تنقل شيئاً من صفحته الخاصة؛ فلا أريد معرفة آرائه السياسية.. ليس لهزالة فكره أو بذاءه قلمه  فهو صاحب نظرة حكيمة وموضوعية للأمور وقلمه أكبر من أن يلقي بنفايات.. ولكني بالكاد أمنع نفسي من تتبع أخباره.

----------------------------

دخلت حياتي بهدوء وخرجت منها بسلام فطبت وطاب ممشاك.

********************

لازم وجودك يأثر في حياتي للأحسن.
لازم أكون مشتاقة أني أشوفك واتكلم معاك.
لازم أحس أنك بتحبني ومستعد علشاني تعمل أي حاجة تسعدني.
لازم تعرف توصلي لوحدك ومن غير أي تسهيلات من جانبي.
لازم تعمل حاجة تثبت لي بيها أني فارقة معاك.

-------------

- عارفة يعنى إيه أول حاجة يعملها بعد ما ييجى من شغله طول النهار أنه  يكلمك؟.
 يعني معاكِ عايز يرمى حمولة طول اليوم ويرتاح..
 يعني عايز ينام على حاجة حلوة تفرحه وتغير له مود الشغل اللي كان فيه.

-----------------

محتاجة أحس أني مهمة في حياة أي راجل حتى لو كان مجرد شغل.
محتاجة أحس أني مازلت أنثى.
محتاجة أفرح.




ليست هناك تعليقات:

إرسال تعليق