الخميس، 29 مايو، 2014

طلاق مع إيقاف التنفيذ



ليه يا بابا طلقت ماما.. هو آه هي لسه على ذمتك، ولسه ما رمتش عليها اليمين، بس ده لإن الشقة ضيقة، ومفيش لحد فيكم مكان للنوم غير فى مكانه، ده غير أن خلاص برضه مفيش مكان تاني ممكن حد فيكم يقعد فيه لو الطلاق حصل..

ليه بتعاملها وحش كده وبتهينها لمجرد أنها طلبت منك فلوسها اللي معاك..
 ليه معتبرهم حق مكتسب ليك!
ليه ماحاولتش تراضيها ولو حتى بكلمتين.. ليه العلاقة بينكم وصلت لكده!

ولولا وجودي أنا وأخواتي في حياتكم كان أصبح البيت مقبرة صامتة لجثث تأكل فقط..
 ليه العلاقة بقت إنك تنزل تشتري أكل وهى تطبخ وبس.
وجاى بتسأل دلوقتي هي ليه على طول نايمة في السرير!
لأن نفسها اتكسرت وده أثر على صحتها فما بقتش تقدر تتحرك..
 ها، إيه رأيك في اللي وصلته ليها بمعاملتك الفظة.







ليست هناك تعليقات:

إرسال تعليق