الجمعة، 23 مايو، 2014

نصيحة (18)


- اوعي تتنازلي عن حقك.


-ماتقبليش بحاجة مش عاجباكي لمجرد أنها بس متاحة..


- ماترضيش بغرفة في شقة مثلا بعد ما كانت الشقة كلها بتاعتك.


---------------------------------------


- عجلوا بفعل الخيرات؛ محدش ضامن عمره.


-----------------------------


- ما ينفعش يبقى عندك عزومة وماتحطيش صابونة في الحمام.



-------------------------------


نصيحة للأنثى: أي زوج بالنسبة لك خط أحمر

إوعي تقربي منه حتى لو هو حاول يقرب.


--------------------------------


 اوعى تآمن لحد فرط في ضناه.

----------------------------


لا تخن.


------------------------


 ما تنصبش نفسك واعظ.


-------------------------------


لو حسيت أن رئيسك في الشغل بيزهقك وخلاص ماعدتش عايزك..


خدها من قاصرها واستقيل بكرامتك؛لأنك مهما تعمل هو خلاص خد فكرة وانطباع عنك

 مش هيتغيروا وبرضه مهما كان حبك وانتمائك للشغل فهو في الآخر مش بتاعك.

--------------------------------

 لو لقيت حد بيحبك وأنت مابتبادلوش نفس المشاعر

بلاش تهتم بيه

بلاش تديله إحساس أنه مهم عندك وأنه يهمك

سيبه ينساك ويخرجك من جواه بطريقته

أنت كده بتقضي عليه

حرام تتسلى بمشاعره وأنت شايفه مشتاق لأية كلمة حلوة منك 

وهيفسر اهتمامك بطريقة غلط بس علشان يرتوي.

ماتقولش أصل حرام أكسر بخاطره لأن مع الوقت

هيقولك أمال اهتمامك بيا وسؤالك عني بدل ماكنش حب كان إيه

لا تلهو بقلب كل خطيئته أنه نبض باسمك ..

لا تبني قصر داخل قلب طالما لا تريد السكن فيه.

----------------------------------

- خرجيهم من حياتك بسرعة

ماتديش لحد فرصة

الفرصة دي لو حصلت هتكون ضدك

هتستنزفك وهتديهم فرصة أكبر يجرحوا فيكي 

ابعدي وسيبيهم..

ماتكذبيش إحساسك..

ماتتعلقيش بيهم..

سدي كل الطرق اللي توصلك بيهم..

مش لازم تخرجي من الفراق مهزومة ومجروحة

 اخرجي ولو مرة وراسك مرفوعة.

الاستئصال مؤلم لكنه هيكون أكثر إيلاماً لو اتأخرتي عليه


 لأنه كده كده هيحصل فماتستنيش لما الورم يكبر وياخد معاه

 جزء أكبر من اللي كان ممكن ياخده لو نهيتي الوضع بسرعة.

---------------------------------

- لو شوفتيه بيشتم واحدة قدامك وأنتي سكتي

 اعرفي أن لما الدور ييجي عليكي برضه محدش هيدافع عنك.

..
واللي يشتم واحدة يشتم مليون واحدة حتى لو كنتي 
بالنسبة له

مين.

ليست هناك تعليقات:

إرسال تعليق