الجمعة، 30 مايو 2014

مقتطفات نسائية (20)




- أي نجاح هنجحه في حياتي هيكون علشانك يا أمي.

------------------------

- " مش هتنيل"
كان أجمل وعد منك  يا حبيبي 
ردك عليا لما قلت لك  ماتسيبنيش
لكنك اتنيلت ومانفذتوش
عرفت بقى مين فينا المنافق

---------------------------------

- عارف يعني إيه خرجتك من حياتي؟
يعني  أسقطتك من حساباتي.
يعني كلامك أصبح لا يعنيني.
يعني لم أعد أكترث لأي شيء يخصك.

--------------------------

- إياك تحط نفسك في مقارنة مع أبي .. اللي بيني وبينه صلة دم، لكن اللي بيني وبينك ورقة،وسهل جدا تتقطع وكأنها ماكنتش.

-----------------------

- طبيعي طول ما أنت مش عارف تسيطر عليا أبقى بالنسبة لك غلسة.

----------------------

- زي ما أنت فكرت وقررت أنك أخيراً تتصل بيا.
أنا كمان، فكرت وقررت إنك ماتستاهلش كل الوقت اللي استنيتك فيه.

----------------------------

- عارف يعنى إيه اعملك بلوك؟
يعنى ماعدتش قابلة منك أي كلام.

---------------------

- أعشق شعري الطويل فبه أتدثر من برد الليل.

-------------------

- أيوة لسه بمنع نفسي بالعافية من أني اتكلم معاك.

---------------------------

- من غير ما اسألك مالك أنت احكي لي على طول.
بس ماتنتظرش مني رد، أنا هبعت لك من غير ما تقول.

------------------

- يا ترى مبسوط من شتايم الناس ليَّ بعد ما كذبت الحقايق!
لو كنت راجل، كنت قلت اللي حصل بالظبط، وكنت هتشوف وقتها الشتايم كانت هتبقى لمين.

-----------------

- وبعد كل اللي بينا اتحداك لو كنت تعرف لون عينيا إيه!

-----------------

-هو حلو علشان معاها.
مين قالك أنه لو معاكى هيكون كده!
هو بيحبها هي؛ فطبيعى يكتب عنها ويتغزل فيها ويفاجئها؛
فما تطمعيش تكونى مكانها.

------------------

- وكل شوية أجيب صورتك وأفضل أبص عليها.

------------------

- ماقبلش أكون استبن في حياتك النهاردة معايا وبكره مع غيرى.

------------------------

- حبيت شعري الغجري لما لقيتك معجب بيه.

----------------------

- تعرف إمتى ابعد عنك ؟ لما أكره نفسي معاك.

---------------------

- ياريتك تعرف إن في كل مرة بتبعد عني فيها من غير سبب بتقوي قلبي عليك.

--------------------

- بُعدك عني فوقني، أصل ما ينفعش حد يبعد عني على اعتبار أنه بيتقل عليا.
 أراها سياسة لا تجوز في التعامل معي.

-------------------------

- امتى أقبل أعيش معاك؟
لو لقيت حياتى معاك أحلى.







هناك تعليق واحد: