رغم إن زيجتنا كانت تقليدية ولم تكن ممتعة بالنسبة لي لكن بعد
طلاقنا فضلت الراجل الوحيد اللي بتخيله معايا.
ولما عرفت إنك عايز ترجع لي افتكرت وجعك ليا لما طلقتني غيابي
من غير ما اعرف حتى ليه.
ودلوقتى لما بشتاق لحضنك بلاقيني بعيط بحرقة لإنى مش هقدر
أرجعلك تانى بعد كل اللى عملته فيا.
----------------------------------
بالنسبة للى كانوا بيقولولي اتطلقى منه وأنا اجوزك سيد سيده..
آديني اتطلقت بقى لي سنين فين سيد سيده ده.. ماجاليش ليه لغاية دلوقتي!.
---------------------------
بقى في الوقت اللي دموعي فيه مانشفتش من بعد انفصالنا
وانهياري التام وحزني ووجعي عليك وقتها.
كنت أنت بتتقدم لغيري وبتخطبها كمان..
طيب كنت استنى لما شهور العدة تخلص مش يمكن أكون كنت حامل ووقتها نرجع لبعض.
------------------------
يعنى إيه أخويا يجيب عريس لبنت خالي وأنا لسه مااتجوزتش!!
ده بدل ما يجيبه لي أنا..
ولا علشان أنا مُطلقة يبقى المفروض ييجيلي واحد أي كلام
على اعتبار أني بقيت سكند هاند..
إذا كان ده تفكير أخويا يبقى ألوم على الناس ليه!!.
-----------------------
محدش يقولى الأكبر منك لسه ماتجوزوش .. النظرة للعانس غير النظرة للمطلقة.. على الأقل محدش هيسألها أنتي عنستي ليه لكن هيكون للمطلقة ألف سؤال وسؤال عن أسباب الطلاق ومهما تقول وتحكي انها مظلومة محدش هيصدق وهيقولوا معقول يعني ماعملتيش حاجة خالص كنتي كاملة الأوصاف يعني وهو اللي وحش قوي كده علشان يطلقك من غير سبب.. بيعتبروا الطلاق وصمة عار .. رغم ان العانس ممكن تكون مشت مع طوب الأرض بس محدش يعرف فبقت قدام الناس خضرا الشريفة .. لكن المطلقة أكيد معيوبة وعلشان كده اتطلقت.. محدش بيخاف من العانس لتطمع في أزواج غيرها لكن بيخافوا من المطلقة.. محدش بيبص للعانس نظرة رخيصة والكل يخاف يقرب منها .. لكن المطلقة عادي ويوم ما يحصل لها حتى جريمة اغتصاب ما بيسموهاش هتك عرض..العانس عايشة بأملها والمطلقة عايشة بوجعها..
للأسف ربما نشأت هذه النظرة للمطلقة مجرد نظرة او رأي وتحولت مع الزمن إلى قانون ونظرية!
ردحذفالمرأة مظلومة بأشكال وبطرق مختلفة في مجتمعنا، وربما المرأة المطلقة لها النصيب الأكبر من هذا الظلم، ولكن هذا لا يعني أن المطلقة قد إنتهى حظها، فأنا أعرف مطلقات قد تزوجن رجالاً أفضل بكثير من أزواجهن السابقين، وأعرف أحد الأشخاص ينوي الزواج من مطلقة لأنه كان يحبها قبل أن تتزوج ولكن والدها أرغمها على الزواج من غيره ففشل زواجها وتم طلاقها. ولكن دعينا نقول أن الرجل الذي يوافق ويرحب على الزواج من مطلقة يجد هجوم عنيف من أسرته، وربما من والدته التي هي إمرأة ويجب عليها الشعور بمثيلاتها من النساء!
ولكنها تناقضات مجتمعنا. ولكن وسط كل هذه التناقضات لم ولن ينعدم الفكر والسلوك القويم.
تحياتي