(1)
عادي جدا لما يكون معاكي حيوان، ومعاها ملاك.
قوليلي بقى.. بذمتك يا شيخة هي تكرهه ليه؟
---------------------------------
(2)
تقول: باعتلي هاي ممكن نتعرف.. والله لاعمله بلوك.
تعليقي: أمال لو قالك ممكن نتجوز عرفي كنتي عملتي إيه!
تقول: باعتلي رقم موبايله والله لاعمله بلوك.
تعليقي: أمال لو بعتلك صورة فاضحة هتعملي إيه؟
تقول: باعتلي رسالة خاصة والله لأصورها وانزل بيها على كل الجروبات وافضحه
والرسالة تكون" أنا عاوز اتكلم معاكي"
تعليقي: أنتوا ليه بتأفوروا كده! فيه شخصيات ورسايل تستاهل البلوك وش
وأكيد مش من النوعية دي اللي لسه بتعيش مراهقتها.
رأيي الخاص ان اللي يتخاف منهم الشخصية السهنة اللي عاملة نفسها محترمة
وممكن تتقرب منك من غير ما أنتي تحسي وفجأة تلاقي نفسك لبستي
زنوا الأمور مش كل حد هيعملك آد مثلا يبقى طالب القرب .
---------------------------
(3)
أنتي معتقدة أن علشان حصلت خناقة بينكم أن أصدقائكم المشتركين هيختاروكي
ويقطعوا علاقتهم بيه؟
تبقي غبية؛
لأن الكون مش واقف عليكي
وهو مااتخانقش معاهم.. الخناقة كانت معاكي أنتي وبس
فلا هيقطعوا علاقتهم بيكي ولا بيه.
هما مش طرف أصلا في اللي حصل بينكم.
ماتخلطيش الأمور ببعضها وتشيلي الناس ذنبك ع الفاضي.
---------------------------
(4)
لا يا عزيزتي لم أنهي صداقتنا نتيجة تطفلك وفضولك رغم كراهيتي لهما-فأنا أستطيع
التعامل معهما جيدا- ولكن لحماقتك؛ فهي تضرني كثيرا، بالإضافة لغبائك في فهم هذا
وجدالك المستفز.. ألا يكفيكِ أن تتمتعين بالحماقة والغباء لتزيدي عليهما الجدال!
----------------------------
(5)
"بعد عمر من التعب"
القطاقيط اللي لسه مكملوش العشرين أو لسه أصلا في العشرينات
عمر إيه سيادتك اللي تعبتي فيه!!
ده أنتي لسه بتسمي حضرتك..
أجلي الجملة دي شوية يعني لما تعدي التلاتين ممكن تقوليها
على اعتبار انك هتكوني وصلتي لمنتصف العمر وكده
ليست هناك تعليقات:
إرسال تعليق