إيه التفرقة العنصرية دي يا ماما اللى بتتعاملي بيها معايا أنا وأخويا.
لو واحدة صاحبتى كلمتني في التليفون وأخويا اللي رد وقعد يتكلم معاها بالساعة على مايبقى يديني السماعة ماتقوليلوش حاجة.
وأنا لو حد من أصحابه كلمه وقعدت أتكلم معاه يبقى عيب ومايصحش.
- لو أنا خارجة يبقى ماتتأخريش وتمسكي لي الساعة بأن آخري في الخروجة ساعة واحدة بس.
وهو عادي لما يرجع البيت وش الفجر.
ولو حصل وماعلقتش هدومي في الدولاب أو نسيت أرتب سريري أبقى كده مهملة.
ولو هو عادي ماهو ولد.
حتى بابا بيديله مصروف ضعفي ولما أقول اشمعنى يقولى للذكر مثل حظ الأنثيين !!
ليه تخلوني أكره نوعي وأتمنى إني أكون أتولدت ولد؟.
عاجباني طريقتك في تقمص شخصيات مختلفة في تدويناتك الأخيرة بأسلوب جميل وبيوصل الفكرة بسهولة
ردحذفجميل يا منى :)
أشكرك با لبنى :)
حذفالتفرقه مش كويسه
ردحذفبس الأب والأم بيحسبوها ان الولد مهما حصل له ممكن يدافع عن نفسه أو محدش هيفكر يقرب منه
بعكس البنت احتمال انها تقدر تدافع عن نفسها قليل جدا دا إذا مكنتش هتموت من الخضه
يعنى بيحسبوها بنسبيه شوية
المجتمع أمن وواعى ومحترم = حرية أكثر
تحياتى لكى
على المخطئ أن يعاقب دون النظر لنوعه هذا دور الأب والأم في التربية السليمة
حذف