الأربعاء، 1 أبريل، 2015

نصيحة (24)






عزيزتي الزوجة: لما زوجك يحتاجلك ولو حتى في كلام أهبل ماتصديهوش،

 اسمعيه واحتويه بدل مايدور على واحدة غيرك تسمعه.

------

عزيزتي طبيبة النساء والتوليد: لما زوجة تكون متابعة معاكي الحمل

 وناوية تولد عندك ده علشان أنتي واحدة ست 

فما تتغابيش وتفاجئيها بدكاترة رجالة معاكي يوم الولادة


-----------

إوعي تتغيري علشان حد

أو تعملي حاجة مش مقتنعة بيها علشان ترضي حد


-----------------

عزيزتي السنجل: فلترفعي شعار" الوحدة خير من جليس السوء"

-----------

 الحوجة آه وحشة بس ماتخليهاش تذلك

---------------

 لما تحب كاتب بلاش تدخل في حياته.

ولما تكره شخصية كاتب ده مايديلكش الحق أنك تتكلم عن قلمه وحش.


دي نقرة ودي نقرة..


حياة الكاتب هو حر فيها ومش ذنبه انك بتعمل إسقاط.


قلم الكاتب لك مطلق الحرية في نقده بموضوعية تامة.


ورسالة للبنات: مش معنى إنك مبهورة بكاتب مثلا إنك طول الوقت تكوني


 زي ضله في حفلات توقيعه وتتصوري معاه وتصوريه

 وتنزلي صوره ع النت...

اهدي يا ماما شوية .. 


طلع نزل راجل غريب عنك واللي انتي بتعمليه ده مش حلو ليكي






ليست هناك تعليقات:

إرسال تعليق