نصيحة (21)

1- نصيحة كل شتا

ماتنسيش تقلعي الجونتي قبل ما تغسلي إيدك

----------------

2- لو عايزة تعيشي عمرك كله بتقرأي ..حبي كاتب واتجوزيه..

 مش هتاخدي منه أكتر من كده..

 شوية كلمات مكتوبة..

لو عايزة تعيشي حياة..حبي راجل واتجوزيه..هتاخدي وقتها كل اللي بتتمنيه.

------------

3- عزيزتي الأم: انتبهي جيدا لتربية طفلك الأول، علميه كل الصفات والأشياء الحسنة؛

 فهو سيصبح قدوة لأخوته الصغار فيما بعد، في الوقت الذي يضيق فيه وقتك لتعليمهم 

كل ماعلمتيه له في السابق.

-------------------

4- مش شرط تجيبلها حاجة غالية علشان تفرحها

هاتلها الحاجة اللي هي بتحبها

أو الحاجة اللي هي محتجاها فعلا

-----------------

5- ماتدعوش على بعض حتى لو بهزار

(الله يحرقك، الله يخرب بيتك، ربنا يهدك...

----------------

6- مش معنى إنك بتحبيه أن هو كمان بيحبك.

--------------

7- قدروا ظروف بعض وخصوصا لو مريتوا بيها قبل كده

---------------

8- ماتتكلموش عن حد

عاوز تدي أمثلة بلاش ذكر أسماء

اتكلموا عن الظواهر مش عن الأشخاص

------------------

9- بلاش تسألوا بعض أسئلة شخصية مهما كانت العلاقة بينكم

ولو حتى بالسؤال اللطيف الدارج: أنت بتقضي يومك إزاي؟

--------------------

10- بمناسبة الحجاب أحب أفكرك أختي المحجبة بما يلي:

- شعرك والقصة ورقبتك لازم يتغطوا

- ماينفعش خالص النص كم أو تشمري الكم فدراعك يبان 

- ماينفعش تلبسي بنتاكور أو فستان قصير وتحته بوت ولما تقعدي ركبتك تبان

- الأكمام الشفافة برضه لا تجوز.

---------------

11- ماتستفزوش بعض؛ احنا مش ملايكة

-----------------

12- أصدقاء السوء لديهم القدرة على تحويل مسار مستقبل ابنك؛ فانتبه.

-------------------

13- ماتفضحيش نفسك أوي كده وتبيني حبك ليه في الآخر هيطلع واطي.

--------------

14- لو بتكلم واحدة كلام حلو، هي أول مرة تسمعه..

خد بالك أن ممكن يحصلها هطل مفاجئ.

--------------

15- قولوا لبعض كلام حلو، الكلمة الطيبة صدقة 

-------------

16- في شباب بيعتبروا الفيس مجرد وهم يفصلهم عن عالمهم الحقيقي مش أكتر

نصيحة اليوم: ماترتبطيش بحد من ع الفيس

-------------

17- حبوا بعض من غير شروط وطلبات.

--------------

18- الناس اللي بتتكلم كتير وبتحب تقاطع اللي بيحادثها

ماتبقوش مُملين كده

اسكتوا شوية واسمعوا بعض

-------------

19- بالنسبة للحجاب يا تلبسيه عدل يا تقلعيه لكن ماتجيبيش الكلام للمحجبات

 بسبب لامبالاتك

والاخت المنتقبة برضه يا تلبسيه وانتي عارفة محاذيره إيه يا إما مالوش لازمة

وهنا سؤال بيفرض نفسه سواء للي بتغطي راسها أو بتغطي وشها

أنتي بتعملي كده ليه؟