الأربعاء، 7 يناير، 2015

خيانة الثقة







أنت خليت الناس تضحك عليا.. عملتني فًرجة ليهم ووقفت معاهم تتفرج.. أنت خلعت ضرسي من غير بنج ولما جيت أصرخ لومتني

وأقنعتني إنك ماخلعتوش.. أنت بس نقلته من مكانه وأنا بسذاجتي ورغم وجعي صدقتك..

ماهو أنا واثقة فيك..

 قلت لى تحبي تاخديه ولا تسيبيه زي ما أنا حاطه..قال إيه بتخيرنى..

وأنا بغبائي سلمت لك أمري..

ضرسي في فمي مكانه فاضي وأنا بحاول ألزقه في مكان تاني وبحاول آكل عليه عادي واقنع نفسي انك صح وعايز مصلحتي..

واللي حواليا بيتفرجوا على محاولتي فى آني آكل وأنا لازقة ضرسي بسلوتب ومن جواهم بيضحكوا..

وأنت مستمتع بإنك أقنعتني إنك ماخلعتوش..

لكن مع الوقت وقع الضرس وبان مكانه فاضي وصحيت على الواقع اللي برضه كنت بكذبه وأقول أكيد مايقصدتش..

هيعمل فيا كده ليه وأنا وثقت فيه!!!

.ولقيت إن الأحسن أبطل أسأل .. بس من جوايا نفسي كل ضروسك تتخلع وتدوق اللي أنت عملته فيا.






هناك تعليق واحد:

  1. بوست صادم شديد القسوة ، ليس أسوأ من خيانة الثقة ممن تحب .. بوركتي

    ردحذف