السبت، 31 أغسطس 2013

مذكرات زوجة






أما زلت تسألنى يا زوجي الحبيب عن مدى سعادتي معك

 وعن مقدار حبي لك!

مازلت أذكر يوم ضياع موبايلك واتصالك بي وقتها

 وحينما تعجبت كيف جئت برقمي

 فأخبرتني بأنك قد تنسى رقمك ولا تنساه

فسنوات اتصالك به كفيلة بأن تجعله محفوراً في ذاكرتك.

مازلت أذكر قلقى قبل الزواج وطمئنتك لي

 ووعدك بأنك ستحافظ عليَّ وستمنع أي شخص

 من التدخل فى حياتنا وستحاول تهدئة الوضع بيني وبين والدتك ..

 وقد كان فقد نفذت كل وعودك وعيشتني أجمل حياة

  لم أكن أتخيلها يوماً..

مازلت أذكر مهري الغالي الذي طلبه أهلي

 وردك بأنك ستزيد عليه الضعف

فكنوز العالم لن تكفي مهري من وجهة نظرك.

مازلت أذكر حين تم وضع زواجنا في كفة

 ووضع حفل زفافنا في مكان لا أريده في كفة أخرى

 وترجيحك لكفة زواجنا رغم أنف المعارضين.

مازلت أذكر يوم زفاف قريبتي وكلامك الجميل لي وقتها

 ورغبتك في إتمام زواجنا سريعاً والذي بدوره عجل فى الإجراءات.

مازلت أذكر فرحة أهلك يوم كتب كتابنا

 ووجودهم معي طوال اليوم .

مازلت أذكر زيارة  والدتك لي بعد زفافنا

 وكم شعرت وقتها بأنها كأمي.

و موقفك الرائع مع شقيقي الأكبر واعتباره كأخ لك.

مازلت أذكر إنك عمرك ماحرمتني منك ولا في يوم بعدت عني

 وإني لو زعلت منك تبادر سريعاً في مصالحتي.

مازلت أذكر تنفيذك لطلباتي وكأنها أوامر غير قابلة للنقاش

 دون أن تجعلني أترجاك أو ألح عليك .


مازلت أذكر سؤالي لك "ماذا لو طلبت منك الانفصال يوما"

 وكان ردك بأنك لن تجعلني أفعل ذلك ولو حدث لن تتنازل عني

  ..ووقتها هيكون أول مرة ترفض لي طلب ..

مازلت أذكر الموبايل الذي أهديته لي وكيف جعلتني

 أحتفظ به مع مرور السنين لأنه كان أول هدية منك ليا .

مازلت أذكر تحملك لفترات جناني وغضبي مهما طال وقتها..

 ووقوفك جواري في عز أزماتي.

أنت أصلاً عمرك ماخلتني محتاجة حاجة علشان اطلبها..

 دايماً مالي عيني ومشبعني نفسياً..

عمرى معاك ما حسيت بالحرمان اللى صحباتي بيشكوا منه

 مع أزواجهم..

 عمري ما انتظرت منك مثلاً رسالة على موبايل أو اتصال أو هدية

 لإنك طول الوقت بتعرف إزاي تبسطني وترضيني..

عمرك ماخلتني أغير عليك أو أحس إنك ممكن تكون لغيري

دايماً تقولي الموت عندي أهون من إني أعيش من غيرك

 أو إنك تكوني لحد غيري.

وحاجات تانية كتير عملتها بس علشان أكون مبسوطة

 وأكون معاك للنهاية.

ذكرياتك الجميلة معايا مخلياني عمري ما اقدر استغنى عنك!

و لو الزمان رجع ماكنتش هختار حد غيرك.

هناك 3 تعليقات:

  1. أشعر وكأنكِ تكتبين عن رجل من "المريخ" يا عزيزتي .. ولم يولد بعد

    عموما .. لهذا وُجد القلم

    نصيحة .. بلاش تتفرجي على خيال علمي كتير :D

    ردحذف
    الردود
    1. مها البنا تعليقك جارح يا اختي
      متخليكي محضر خير
      اسمعي يا حلوة
      ما زلت اتذكر كل مرة اتصل بك فتقول لي بحنان : عاوزة ايه خلصي, عندي شغل
      ما زلت اتذكر قلقي من الارتباط بك و كيف قلت لي بلطف: انت فاكرة نفسك مين؟ ده انا حافضحك..
      ما زلت اذكر طلب اهلي و كيف وقفت في نص الصالة و قلت : انتو فاكريني ايه؟ انا ما فيش وراي غيركم؟
      بصراحة مش عاوزة اتذكر رؤية امك لي و بوزها الموروب و لا تلفونات اختك و سؤالها عن عيلة امي و التقليب في سير كل نساء العيلة
      خصوصا خصوصا زيارة امك الميمونة في شهر البصل ...يا عيني مش عاوزة افتكرها ديه الا عشان انسى عزاب الآخرة
      ما زلت اذكر كل مرة بتزعل فيها او اتفلق انا فيها و إزاي تتقمص و تقعد مكانك او تبعد لو صدف مريت جنبك ...
      إزاي اقعد اتحايل عليك و أحاول اصالحك و اقولك خلاص الحياة لازم تستمر و انا هانتبه المرة الجاية ....طبعا عشان حضرتك و في كل مرة بتهدد بالطلاق يا عيني مش عشان حاجة تانية لو انت يعني فاكر نفسك طرزان
      انا بصراحة مش فاكرة اني قلتلك يوم : ماذا لو طلبت منك الانفصال؟ لانني اصلا عارفة انها مش فارقة معاك و حتى لو فرقت فانت مش هتعمل حاجة تخليها تبان بالعكس ده انت ممكن بلطف و ابوة تحضرلي الشنطة و تحطها في العربية كمان
      بالنسبة لفترات جناني و غضبي فأنت و الحمدلله اثبتت فيها كفاءة ملهاش مثيل
      أظن واضح
      عمرك يا حبيبي ما خليتني اغير عليك ابدا
      صدقني حتى كلامك عن الستات اللي بتهجم عليك يا حبة عيني و لا كان يحرك فيا حاجة صدقني
      عشان انا واثقة...... من ايه ؟ ما لكش دعوة المهم اني واثقة و خلاص
      بالنسبة للغيرة عليا
      يللا حتروح من ربنا فين؟
      بالنسبة للموت و تصريحك انك حتحاول تحسن اختيارك المرة الجاية لو ربنا شاء و قدّر فأنا و ربنا مش زعلانة ..انا بجد اتمنى يكون في حياة بعد الموت عشان اقف على حافة السماء السابعة و شوف بنت الكلب ديه اللي انت ممرمط حياتي بحقيقة وجودها ....
      هي الحكاية و كل ما فيها ان في صورة لواحدة ختيارة مع واحد ختيار على سرير ما يبدو انه الموت...و ان في ناس استنتجوا الحوار ده
      بصراحة انا ما كنتش عاوزة اقفش حد بس الصورة ديه اكييييييييد لان في مبلغ تأمين حلو في الموضوع
      انا بتكلم من تجربة و ربنا

      حذف
  2. ميرسي يا موناليزا على وضع الرد رغم كم السخرية اللي فيه
    معلش بس انا هارجع انشره اليوم في مدونتي مع اشارة لمدونتك بالطبع ....

    ردحذف