تعاملت مع شخصية على أرض الواقع مصابة بشلل الأطفال وشعرت معها بأنني صغيرة جداً وهي
تحكي لي عن أنشطتها الكثيرة في العمل الخيري التي يتطلب تواجد مستمر في بلدان بعيدة فلم
تعوقها إصابتها عن فعل الخير ومساعدة الآخرين وكم أن روحها ونشاطها وضحكتها المستمرة
جعلتني أتعرف عليها رغم أني في العادي ماببدأش التعارف والكلام مع حد
بنوتة زي القمر جاية بكرسي متحرك من بيتها لوحدها علشان زيارة خيرية لدار مسنين
وماكنتش جاية بإيدها فاضية .. دي كانت كمان عاملة صينية كيك.. أيوة هي اللي عاملاها
يعني دخلت المطبخ وعملتها وشالتها على الكرسي بتاعها ومشت في الشارع لوحدها
ماخافتش من الأخطار اللي وارد أي واحدة سليمة ماشية لوحدها تتعرضلها
ماخافتش من تهور السائقين وأنهم ممكن ماياخدوش بالهم ويطيروها بالكرسي
ماشالتش هم هتطلع الزيارة إزاي وهي في الدور الثاني ومفيش أسانسير
ولما تطلع هتقدر تنزل تاني ازاي
ياااه ده في ناس حلوين أوي يا جدعان
ليست هناك تعليقات:
إرسال تعليق