السبت، 2 مايو 2015

عندك عروسة




لما بنتك ترفض عريس ماتحاولش تسألها عن السبب لأن أوقات مابيكونش فيه سبب 

بالنسبة لها واضح غير انها مش قبلاه، مش عايزاه، مش مرتاحة له.
..
طبعا دي أسباب لو اتقالت هتكون بالنسبة لك أسباب تافهة ولا يعول عليها ولذلك في


 الغالب ممكن يكون ردها "مفيش سبب معين بس أنا مش عايزاه" ماتتغاباش بقى 

وتضغط عليها.. واعرف ان معندهاش رغبة تعاشره ولا تخدمه ولا تكون له زوجة 

باختصار تشيل اسمه..

عارف أنت ممكن تسألها عن التفاصيل دي لو وافقت


آه والله


لو لقيتها وافقت على عريس اعمل معاها محضر 


خليها تسمع إجابتها بودنها وأنها فعلا مقتنعة بيه، مش مجرد عريس فرحانة بيه 


وخلاص.

خد ودي معاها في الكلام يوم ما توافق،


وسيبها خالص يوم ما ترفض وماتحاولش بليز تضغط عليها.


في النهاية دي حياتها هي ولو فشلت هي اللي بتشيل الليلة مش حد تاني.







هناك 3 تعليقات:

  1. أحلى كلام .. فعلاً دي الحقيقة التي قد لا يدركها الآباء لخوفهم من المستقبل ورغبتهم في الإطمئنان على إبنتهم مع زوج وفي بيت ، قد يكون هناك حاجزاً نفسياً وعدم إرتياح فحسب ... بوركتي

    ردحذف
  2. مع احترامي لوجهة نظرك
    أنا أختلف معكي
    للوالد أن يسأل ابنته لما رفضت الشخص
    وعليه هو أن يتفهم أسبابها مهما كانت
    وعليه أن يسألها أيضاً لما وافقت ؟
    ولو فشلت الأب والأم بيفشلوا
    بس ده إحساس مابنحسوش إحنا الأبناء إلا لما نبقي أباء

    ردحذف
    الردود
    1. في حاجات بتتحس وماينفعش تتقال ولو اتقالت مش هتتاخد بمحمل الأهمية
      يعني لما ترفض لانها مش قبلاه
      ده بالنسبة لها سبب كافي
      بالنسبة لأي حد شايفه عريس لقطة هيبدأ في الضغط وليه وشوية بس على ماتتعودي عليه أديله فرصة وكلام كتير هي عارفة نهايته وبتجيب م الآخر
      وبرضه لما توافق ممكن تكون بس مرتاحاله وده بالنسبة لها سبب كافي لكن لانها حياتها اللي هتشيل نتيجتها لازم يسألوها ويخلوها تسمع اجابتها بودنها وانها فعلا مقتنعة بيه

      حذف