لازم يكون لولادكم مساحة خاصة بيهم
علشان لما يغضبوا لأي سبب يروحوا فيها ويفكوا عن غضبهم براحتهم
(غرفتهم الخاصة، مكان معزول في الشقة، حتى لو ع السلم...
------
رسالة للزوج:لما مراتك تقولك محتجالك، أو ماتسيبنيش لوحدي وتخرج أو ماتخليش
صاحبك يزورنا تاني أو أي طلب يبين احتياجها لأي حاجة
نفذه بدون مناقشه وبطل غباء
-----------
الزواج يعني خدمة راجل و بيت
المودة والرحمة ممكن تقرأي عنهم في كتب السيرة
والحب والسهوكة ممكن تتفرجي عليهم في التليفزيون
-----------
خدي اللي بيحبك
مش مهم تكوني أنتي بتحبيه زي ماهو بيحبك
طالما قبلاه ومرتاحة له يبقى ماتتبطريش على النعمة
وتقولي ما يمكن ألاقي حد أحبه وأحس بيه أكتر
لأن وارد جدا يكون ده أحسن حاجة في الدنيا ليكي
اللي بيحبك هو أكتر حد هيتحملك ويحتويكي ويستوعبك
-------------
لا تقسو على زوجك الحنون أيها الأحمق
--------------
لقب آنسة ومدام
بص أنت لو حطيت في لسانك لقب آنسة طول الوقت هيكون ألطف بكتير
ماتستخدم لقب مدام طول الوقت
ليه بقى؟
لأن المدام لو قلتلها يا آنسة هتفرح ومش هتضايق
لكن لما بتقول للآنسة يا مدام ده بالنسبة لها معناها مش حلو
وبعدين أنت مالك ومال حالتها الاجتماعية..
ماتقولهاش حاجة خالص لو الموضوع في أزمة معاك.
-------------
عزيزي الأب: انشر ثقافة أن الحقن دي حاجة حلوة
لأن اللي بياخدها بيخف بسرعة وماتعملوهاش أداة لعقاب الطفل.
- موافق لما تقولي متخليش صاحبك يزورنا بس لازم أفهم ليه ؟!!!
ردحذف- المودة والرحمة والحب لسة موجودين
- خدي اللي بيحبك ده منطق رائع ، وكدة كدة حتحبه من معاملته
- أنا دايما بأقول يا أخت بس اكتشفت إن نساء كتيييير بيغضبوا منها ماعرفش ليه ؟!!!
مش لازم تفتح لها محضر بعرض أسبابها.. احترم رغبتها وخلاص هي مش هتطلب كده من فراغ أكيد عمل مصيبة.. ممكن يكون بيعاكسها أو نظرته ليها كأنثى مش مريحاها .. ممكن يكون اتحرش بحد من العيال .. ممكن يكون سرق حاجة ولو بسيطة .. حاجات كده يعني السكوت فيها أولى ده غير انها أكيد مش هتقدر تقول لأسباب كتير أهمها انك ممكن ماتصدقهاش وتعتقد انها بتبالغ او مكبرة الموضوع أو ممكن تخاف تقطع علاقتك بيه بغشم.. أو ممكن بسذاجه تواجه باللي هي قالته...
حذفهي بتوفر على نفسها الدخول في مناقشات غير مجدية وبتقول رغبتها والمفترض انك تحترم رغبتها
كلمة "أخت" الانطباع عن اللي بيقولها مابيكونش ظريف.. يعني انه بيستخبى وراء ستار الدين والجو ده
حذفالأفضل تقولها باسمها أو يا آنسة أو يا أستاذة
وهي لو عندها تعليق او اعتراض هتعرفك