أمي وأنا صغيرة كانت مكبرة دماغها.. أسهل كلمة تقولهالي لما أكون زهقانة أو محتاسة في عمايل حاجة أو حتى تعبانة "يعني أنتي عايزاني أعملك إيه؟".
ومن كتر ما بقت تقولهالي قررت أني أعتمد على نفسي في كل حاجة.
يعني بقيت مسئولة مثلاً عن علاجي يوم ما أتعب بطرقي الطفولية الخاصة
وتتمثل طريقتي في البكاء ودعاء ربنا.
لما أكون مش عارفة أعمل حاجة أجرب وأفضل وراها لغاية ما تتعمل.
لما أكون زهقانة ألعب مع نفسي أي حاجة وأتخيل وجود أشخاص واتكلم معاهم.
كبرت وأمي مش موجودة في ذاكرة طفولتي.
الكارثة الآن أن ابنتي منتظرة مني أن أكون مسئولة عنها مسئولية كاملة.
ولما تبقى زهقانة تيجيلي وتفضل تزهق فيا لغاية لما أشوف لها حاجة تشغل نفسها بيها أو أسيب اللي في إيدي وأقعد ألعب أو أتكلم معاها.
يعني سواء كنت أنا الطفلة أو أم الطفلة برضة مسئولة.
أنا تعبت..
وأنا مين كان مسئول عني...
ليست هناك تعليقات:
إرسال تعليق