صلاة المرأة فى بيتها أفضل" وبيوتهن خير لهن".
والغريب أن فيه نساء عندهم أطفال صغيرة ومع ذلك يتركوهم عند أي حد سواء جارة أو قريبة لكي تذهب المسجد.. على فكرة رعايتك لولادك تعتبر عبادة وهتاخدي عليها ثواب مضاعف لكن إهمالك لولادك ومضايقة الناس بيهم ده يعتبر إثم لأنك أولى بولادك.
وماينفعش كمان تاخديهم معاكِ المسجد لأن ده مكان للعبادة وللخشوع وليس للترفيه عن الأطفال والجري حول المصليات .
وما ينفعش تاخدي معاكِ طفلك الرضيع على اعتبار أنه بيكون نايم في الوقت ده لأن فى الغالب أن الطفل هييجي عليه وقت ويصحى ويملاً المكان صراخاً لأي سبب إلى أن تنتهي من صلاتك.
وفيه زوجات سواء كبار فى السن أو معندهمش أولاد يذهبوا للمسجد وهما عارفين مثلاً أن بيتهم محتاجهم أو أن الزوج رافض ذهابهم وما إلى ذلك.
وفيه بنات بتعتبرها فرصة جيدة لجلب عريس مناسب. وكده يبقى نيتها فى الذهاب للمسجد مختلفة تماماً.
وفيه بنات تصمم تذهب للمسجد رغم بعده عن منزلها وأنها هتكون لوحدها بغض النظر عن أي أذى ممكن تتعرض ليه وهي ماشية لوحدها في الشارع ليلاً.- وخاصة في ظل انقطاع الكهرباء المستمر-.
وفيه نساء بيعتبروا المسجد لقاء للأحبة والأصدقاء اللي بقى لهم كتير ماشافوش بعض و هاتك يا كلام ونقل للأخبار والتحدث عن فلانة.. ياجماعة بجد مش وقته.. إحنا عايزين نستغل الفرصة في العبادة والذكر والدعاء وما إلى ذلك.
البيت هيحقق لك كل ده.. ده غير أنك مش هتتسببى في فتنة لأي رجل إزاء خروجك من المنزل حتى عودتك له من جديد ..ولو عايزة تصلي جماعة ممكن جداً تصلي مع أختك أو والدتك أو حتى خادمتك.. ولو ملقيتيش لا يكلف الله نفساً إلا وسعها. واعرفي أن ثواب الجماعة ممكن يروح نتيجة أي فعل مُسيء.
ياريت تفتكروا دايماً حديث النبى عليه الصلاة والسلام " ..... وبيوتهن خير لهن".
ليست هناك تعليقات:
إرسال تعليق