حاجات عايزاها

عايزاك توصفني..

عايزاك تقولي بتوصفني إزاى قدام أصدقائك وخصوصاً صديقك الأنتيم..

عايزة أعرف بتقول عني إيه قدام أهلك ومع أي حد بيسألك عليا.

عايزة أسمعك وأنت بتتكلم عني معاك.. بتقول إيه.

عايزة أشوفنى بعيون قلبك.. ممكن ؟

---------------------------

أنا مش عايزاك تدخل في أدق تفاصيل حياتي كده علشان تبينلي أنك مهتم

 ( ما قلتلك بتخنق ومابحبش حد يحاصرني)
أنا بس عايزة وقت ما احتاجلك أبقى عارفة أني هلاقيك.. بس كده.

--------------------------

بص أنا ماحبكش تسألني بس لما أحكيلك أحب ألاقيك بتسمعني.

----------------------------

عايزة الزواج يبقى مرحلة تالية لرغبتنا في العيش سوياً وتحت أي ظرف وليس لمجرد قبول وإيجاب..

عايزة أعيش قصة حب تتوج بالزواج؛ وليس لقاء صالونات ينتهى باتفاق على الزواج

عايزة أعيش حياة زوجية ممتعة وليس مجرد أداء واجب روتيني.

أناديك فهلا لبيت

ناديتك بالأمس كثيرا حتى بح صوتي وأصابني مس من دوار؛

 فنمت منهكة أتمتم باسمك، وكأنني في حالة من الهذيان..

 فهل حملت الرياح الباردة صوتي لتوقظك من ليلك الدافئ، وتخبرك بأن في الجانب 

الآخر من كوكبك البعيد من مازالت تشتاق إليك، وتقضي لياليها في خيالها معك.

بعد الفراق

ما أصعب أن تتابعه في صمت يقتل خلجاتك..

أن يكون تعليقك سهما موجها لكبريائك..

أن تمنع نفسك بألا تهنئه، أو تواسيه، أو تشاركه أية شيء ولو مجرد رأي عابر ينم عن اهتمامك.

إنها الأنثى

ماتستغربش لما تلاقيها في ثانية قلبت عليك

يمكن تكون شافت حاجة تانية مالية عينيك

أو حبت تشوف رد فعلك لو عرفت أنها خدت منك بريك

----------------------

وعلشان إحساسه بيها وتقديره لتعبها في شغل البيت

 بقت عايزة تقيد صوابعها العشرة علشانه.

و زي الهبلة أول ما بعت لها رسالة يصالحها

اتصالحت على طول

رسالة للزوج

"نسيت كل حاجة أصله عندي بقى كل حاجة"

ما أجمل أن تقولها الزوجة تعبيراً عن حب زوجها لها ومعاملته الطيبة التي جعلتها تنسى العالم برمته ولا تتذكر سواه.

أيها الزوج قد لا تكون أول رجل في حياة زوجتك -سواء تعلم هذا أولا تعلم- فعليك أن تجعلها تشكر الله عليك من خلال معاملتك الطيبة، وأسلوبك المهذبن ومودتك، ورحمتك معها؛ فإذا لم تفعل ذلك ستجعلها حتى وإن كنت بالفعل أول رجل في حياتها تتمنى رجل آخر في خيالها يشبعها نفسياً وعاطفياً,

 ستبدأ تتذكر أحداثاً من أعماق ذاكرتها علها تجد من نظر لها يوماً ما، أو ابتسم لها ابتسامة عفوية لتتحسر على عدم ارتباطها به..

 حتى بائع العرقسوس إذا ما نظر تجاه شرفتها ستعتقد بإنه كان ينظر لها وأنها كان عليها أن تعطى له أملاً في الارتباط بها طالما يريدها وكل يوم يمر من أمام منزلها.

مليت من شغل البيت

ليه دايماًعايشة فى دور الضحية

ليه دايماً بتقولى الآه بصوت عالى

لو شغل البيت تاعبك خدى أجازة وارتاحى

محدش بيجرى وراكى ولا حد واقف يراقبك

ارتاحى واستكينى فشغل البيت لن ينضب ولن يأخذه أحد منك

نهاية العالم

راقصني في البيداء على صوت صهيل الخيول

كانت السماء تمطر علينا قطرات كالورود

واحترقت الأشجار لتنير لنا مساحتنا الواسعة

وثارت البراكين مصفقة بحماس لجنوننا

أما عن الجبال فقد خرت ساجدة لتهزالأرض من تحتنا

كانت نهاية العالم يومها

وكأن وجودنا معاً يعلن للعالم نهايته