اكتشاف رهيب

اكتشفت في سنة أولى زواج بأن الأتربة تتواجد باستمرار ولن تزول بمفردها وعليَّ أن أقوم بإزالتها..

 وهنا تنبهت إلى أن أكيد بيت بابا كان برضه فيه أتربه لكن أمي لم تكن لتسمح لنا بأن نراها نظراً لسرعة إزالتها لها.

 وأن أمي تتعب حقاً في شغل البيت ولكني لم أفطن لحظة لهذا.

مقدمات النهاية

- وافقتى عليا لما رشحني أحل مكانك ومع الوقت ماستحملتيش تشوفينى بقوم بدورك..

 ليكي حق تغيري وماتطقيش وجودي.. لكن أنا ذنبي إيه!.

----------------

- أصعب شعور ممكن تحسى بيه لما تروحي تقابلي خطيبك اللى بتحبيه

 ولأول مرة تلاقيه بيأكد عليكِ الميعاد قبلها بيوم وأنه هيكون مستنيكي..

 وأنتي ناوية تفسخي خطوبتك حفاظاً على ما بقى من كرامتك بعد استحمالك فترة ليست بالقليلة من الإهانات المتتالية والتجاهل المتعمد.

 ----------------------

- كل ما انسى وأقول عادي ألاقي جرحك قصادي.

-------------------

- أيوة مصدقة ظروفك وفاهمة دماغك ماشية ازاي بس ماعدتش قادرة اتحمل.

----------------------

- جديتى خنقاك وعندك حق.. واستهتارك خانقني وعندي حق.

------------------------------

أصبحت أؤمن تماماً بهذه المقولة" اللي أخدته القرعة تبقى تاخده أم الشعور ".

------------------

كنت وكنت وكنت والآن لم تعد عندي كما كنت..

 بقيت عندي زي ما أنا عندك - ولا حاجة-.

  

 ---------------------

مابقاش بينا كلام يتقال.. لو اتكلمنا في الموبايل حتى بنبقى ساكتين..

متعة الحوار اللي كانت بينا زمان خلاص راحت..

 وبقينا كإننا أغراب وما يربطنا الآن صلة الدم فقط .

------------------

لأ طبعاً أنا مش عايزاها تموت.. أنا عايزاها تموت جواه هو وبس.

----------------------

أنت لا اهتميت بيا ولا احترمتني ولا حتى فهمتني يبقى مستغرب ليه بقى إني هسيبك.

-----------------

كل ما آجي أبعت لك رسالة على موبايلك مرضاش..
 لإحساسي إنك ممكن تبعتها لحد تانى.

 ----------------------

أعطيك فرصة أخيرة أرجو أن تحسن استغلالها فإذا ما انتهت المهلة سأحذف رقمك من  هاتفي ووقتها لن تستطيع الوصول إلي مجدداً.

-----------------------------

اترجيتك تحافظ عليا وقلت لك إذا رحلت لن أعود ولكنك كالعادة استهترت بكلماتي وأردت ان تستغل حبي لك.

----------------------------------

عايزة راجل طبيعي أكون معاه براحتي مش واحد مريض
 ما يصدق أقول أي كلمة علشان يمسكها ضدي ويقلب الترابيزة عليا.

-----------------------------------

كان نفسي أوي أصدقك لكني عارفة إنك كذاب.

  

-------------------------

اعمل خير زى ما أنت عاوز واخطب في الناس عن الثواب وحاول تجمع تبرعات

لكني عمري ماهسامحك.. وحسابي معاك عند الصراط.

يوم ما هيبان إن عملك للخير كان حباً في الظهور.

وخطبتك في الناس كان حباً فى الشهرة.

وتجميعك للتبرعات كان لشراء أغراض شخصية.

يوم ما هيبان ظلمك ليا ورفضك لمساعدة المحتاج واستحلالك لحقي ولمالي ولإهانتك لي حين مطالبتي بهم ومحاسبتك على أفعالك.. شوف وقتها هتقول لربنا إيه.

حتما ستتم المقارنة

أيوة فرحت لما عرفت إن متقدم لي عريس بس لما رحت شوفت الشقة

اتوجعت أوي وأنا بفتكر شقتي اللي كنت متزوجة فيها الأول.. قد إيه كانت في مكان راقي مش في قرية فقيرة مافيهاش حتى محل واحد والشوارع المحيطة مكسرة ومش مرصوفة ده أنا أخاف أمشى بره البيت لوحدى..

بس افتكرت إنه ماكنش بيصرف عليا وإنه ماعدتش عاطينى الأمان زي الأول ده غير هجره ليا وعدم سؤاله عليا وكمان رجوعه لزوجته الأولى وتفضيلها عليا في كل حاجة.. وقراري بعد ما شوفت تصرفاته إنه ما يشرفنيش أحمل اسمه بعد كده.

هديت وسلمت أمري لله وقلت مش مهم رقي المكان المهم جمال الصحبة.

مقتطفات نسائية (21)

- أسرتني بتصرفك.. ماتوقعتش أبداً إنك ممكن تسيب أكلك وخصوصاً إنك لسه جاي من بره حران ومش طايق نفسك وماصدقت غيرت هدومك وقعدت في المروحة.. والأقيك نزلت تجيب لي الزبادى اللي نسيت تجيبهولي ..ما استحملتش تشوفني زعلانة وأني سيبتك ودخلت الأوضة ومارضيتش آكل معاك ولقيتك بعدها بشوية بتخبط عليا

ولما فتحت الباب لقيتك بتديني كيس.. خدته منك وأنا مش فاهمة ولما فتحته لقيتك نزلت اشتريت الزبادي اللى عايزاه وكمان شيبسي بالكباب اللى أنا بحبه.. يعنى خرجت يا حبيبى بلبس البيت وأخدتها مشي علشاني.. ربنا يخليك ليا يا عمري.

------------

- ليه يا ماما خوفتى عليا من وجع الطلاق وماخوفتيش عليا من وجع الإهانة

 لما أقعد مع حد ما بيحبنيش

------------------------

- لما شوفته معاها وبيحبها اتمنيت واحد زيه يحبنى كده

ولما اتجوزها وطلع عينيها حمدت ربنا إنى لسه لوحدي ومحدش ممكن يجرحني.

----------

- مش معنى إنى ماعدتش زعلانة منك إننا نرجع أصحاب تاني.

---------------

- معقول كنت في حياتى مجرد كلب وربنا نجاني منه!.

---------------------------

- ندمانة إن ماعدتش ليكِ بيت ولا ذكريات مع ولادك.. طيب مش أنتي اللى طلبتي الطلاق وكنتي مصممة عليه من غير سبب مقنع لحد.. وكنتي عارفة إن دي المرة الثالثة وبعدها مش هينفع ترجعي تاني .. طيب زعلانة ليه بقى مش ده برضه اختيارك!!.

--------------------

- بقاوم فضولي علشان معرفش أخباره لأنى عارفة إنه مبسوط من غيري وعايش حياته عادي وده هيضايقني وعلشان كده مش عايزة اعرف عنه حاجة.

-------------------

- ماكنش بينا حوار.. ماكنش بينا ذكريات..

 ماكنش بينا حاجة خالص.. كان زوجي وبس.

-----------------------

- كان لازم أحذف رقمك وإيميلاتك من عندي علشان لو ضعفت في مرة وحبيت أبعت لك ألاقي الطرق مسدودة أمامي وافكر نفسي إنه ماعدتش ينفع.

--------------------

- غدرك لي ترك ندبة في روحي أظنها لا تلتئم.

--------------------

- أحمل طفلاً وأسير جواره وتحيط ذراعه اليمنى كتفى. المشهد لمن يراه رائعاً وكأن زوجين يسيران سوياً ومعهما طفلهما.. وشعوري رائعاً فأول مرة أشعر بهذا الأمان .. لكن الحقيقة بأنى أسير جوار ابن خالي المتزوج وأحمل ابن شقيقته.

أشيائك في أمان

اخترت أن أضعك فوق رأسي ولكن معاملتك لي أجبرتنى أن أضعك تحت حذائي وحقاً لم أجد سوى خزانة أحزيتي لأضع فيها أشيائك حتى يأذن الله وتأتى لتأخذها.

حقيقة موجعة

- حينما تجدين نفسك تستخدمين مستحضرات التجميل بكثرة لتخفي أي عيوب في وجهك بالنسبة لك

 وتتفحصينه كل ساعة لتتأكدي بعدم نمو شعرة زائدة دون أن تلاحظي
لتزيلينها سريعاً قبل حتى أن تنبت.

- حينما تفرطين في استخدام العطور على غير العادة منك لتكون رائحتك دائماً زكية

 حتى لو كنتِ دائمة الاستحمام.

اعلمي وقتها بأنه لا يحبك مثلما تحبينه وأنكِ تشعرين بذلك  بداخلك ولكنك لا تجرؤين على الاعتراف. 

فالحب الآمن يجعل جمالك رباني دون أي مساحيق.

سأستمر

لي في الكتابة حياة