كبرت قبل الآوان

يتعاملون معها كعجوز تخطت االثمانين.

يبثون إليها أوجاعهم ويلقون حمولتهم العفنة في وجهها ويرحلون.

وكأن سنوات عمرها القليلة، وزهدها فى الحياة أعطاهم الحق في أنها قد أصبحت تملك من الحكمة الكثير.

سؤال يستحق التأمل

يا ترى اللي خطوبتها بتتفسخ بعد قصة حب كبيرة بتحس بالندم

 لإنها عصت ربنا لما قالت كلام يفضح مشاعرها الخاصة

لراجل غريب عنها؟

أو لو كان لمسها أو حتى باسها.

ولا بس بتبقى مشغولة بوجع الفراق ؟

الاحساس باليتم لا يحتاج للموت

لأ يا ماما أنتي ما حبتينيش

أيوة ماتستغربيش

أنتي حبيتي نفسك وعلشان كده اتمنيتي ليا حياة تشبه حياتك ومش مهم أنا عايزاها أو هي حتى مناسبة ليا ولا لأ!

وأنت يا بابا كمان عمرك ماحبتني أو حسستني بده

أنت حبيت نفسك وعلشان كده كنت بتعملي أي حاجة تجمل صورتك قدام الناس ومش مهم إيه اللي يسعدني

أنا مش فاكرالكم أي موقف حقيقي كنت محتاجلكم فيه ولقيتكم وقفتوا فيه معايا

مش فاكرة أنكم مرة ساندتوني أو حتى دعمتوني نفسياً

مش فاكرة غير إحساسي بالوحدة وأنتم مازلتم على قيد الحياة.

دوما هي المخطئة

بس هو ماخدعكيش هو قالك كل حاجة عن شخصيته

أنتي بس اللي كنت عايزة تصدقي كلامه بعد ما فكر يرسم عليكي ويعيش دور الحبيب

افتكري أنه حذرك لأنه عارف نفسه

 وعارف برضه أنه مش هيقدر يحميكي منه أكتر من كده

هو ذنبه ايه؟

ماتشيليهوش ذنبك

أنتي اللي ماسمعتيش كلامه في الأول وضربتي بنصايحه عرض الحائط

-أنا حبيته

- وهو مفيش في قاموسه حاجة اسمها حب.

- يعني غلطتي أني وثقت فيه وسلمته قلبي؟

- أيوة غلطتك ولازم تتحمليها كلها لوحدك هو مش مسئول عن حاجة.

مواقف مخزية (3)

- أنا عاوزة شوكلاتة

- الشوكلاتة هتخنك


------------------------

ينظر ليديها بتمعن، ثم يمسكها، ويقلبها بين يديه

 متمعنًا النظر في أصابعها ذات الأظافر الطويلة المتساوية المطلية بلون أحمر زاه،

 ثم يرفعها إلى موضع رأسه ليستخدمها في هرش فروة رأسه.

----------------------------

فكرت كتير تكتب كل مشاعرها السلبية عن حياتها معاه

  في أجندة محطوطة في غرفة نومهما قبل ما تسيب له البيت

لكنها كانت عارفة أنه هيوريها لأمه

فامتنعت واكتفت أن تترك له الصمت.

نصيبك هيصيبك

لم تعتد الفرحة، وحينما غمرتها ضحكت ملء قلبها فلم يحتمل من فرطها؛

 فماتت مُكتملة الضحكات.

نصيحة 23

أختي المسلمة:ماتصليش بالبيجامة
إلبسي إسدال أو عباية فوقها

----------------------

ارتدي الحجاب الذي يرضي الله وتتباهين به أمام الملائكة.

---------------------------

رسالة للرجل: حينما تتعامل مع امرأة لا تصافح الرجال،

 لا عليك سوى احترام هذا دون إبداء أي تذمر أو اعتراض من جانبك؛

تجنبا لإحراجك، بالإضافة لانطباعها السلبي عن أخلاقك.

----------------------------

عيب لما تروحي تعزي حد وتكوني لابسة ملون مهما كان عمرك.

(شايفة نفسك صغيرة على العزا ماتروحيش)

نصيحة: اشتري طقم أسود يكون عندك احتياطي.. لو مابتحبيش الأسود في اللبس.

---------------------------

اتصلت بحد مرة مردش عليك

ابعتله رسالة باللي أنت عايزه وانجز.