عني 20

كيف أنجب من يحتاج رعايتي وأنا مازلت في حاجة لمن يرعاني!

أمنية (13)

عايزاه يكون سليم نفسيا.

قدرات الحب

إعاقته الجسدية لم تمنعه من حبه لي والاهتمام بي فلماذا لا أرتضيه زوجاً!

فرق كبير

لو عايزة تستمتعي بقلمه ؛ اقرأي كتبه مش تتجوزيه!!

لو مستمتعة بأسلوبه في تقديم البرامج؛ ماتفوتيلوش حلقة مش تتجوزيه!

ولو منبهر بعلمها الديني؛ تابع برامجها مش تتجوزها.

ولو معجب بصوتها اسمع أغانيها مش تتجوزها!


في الزواج:

الست ست مهما كانت معلوماتها:  بتحب الرغي، وبتطبخ ببصل،

 وبتستنى الكلمة الحلوة، والخروجة وإلخ

والراجل راجل مهما كانت ثقافته:عايزك تغسلي شراباته، وتكوي هدومه،

 وتلمي وراه زي مايكون عيل صغير وإلخ

لو مدركين الحقيقة دي توكلوا على الله.

نصيحة (22)

1-  إسألي نفسك بتحبيه ليه؟

لو لقيتي إجابة اعرفي إنك مابتحبيهوش.

=====

2-  لا تتسولين الحب.

===

3- إوعي ترتبطي بواحد مفكر أن الانترنت ده أستغفر الله العظيم.

واللي بيدخلوا عليه بيعملوا حاجات أستغفر الله العظيم.

====

4- خلوا ريحتكم حلوة

حطوا اسبراي كل يوم الصبح أول ما تصحوا

اغسلوا أسنانكم وخلوا معاكم بونبوني أو نعناع مثلا

عطروا المكان اللي انتوا فيه.


====

5- لما تعرفي أن في واحدة ماتت وتروحي تعزي، شوفي مين أقرب حد ليها وعزيه،

مش مين أقرب حد ليكي وبس.

اللي ماتت لو كانت أم ،دوري على بنتها وطيبي خاطرها؛ ده اللي هيخليكي تاخدي ثواب.

 أكتر ما تكوني راحة مخصوص تجاملي مرات أخوكي اللي متجوزة عندهم مثلا.

ولو كانت اللي ماتت مااتجوزتش، دوري على أمها وعزيها؛ دي بجد اللي قلبها

محروق على بنتها.

مش بس تجاملي خالتها اللي بتشتغل معاكي وخلاص..

=======

6- لما تكوني بتسخني حاجة على البوتجاز وبعدها بدقيقتين بدأتي تسمعي دربكة

 وكأن من تريدين تسخينه يئن من لهيب النار؛

 لا تخضعي بغلق البوتجاز لأنها في الآخر بتكون مجرد سهوكة وهتاكلي الحاجة باردة.

عني (19)

أحب الناس تحتفل بنجاحي أكتر بكتير مايحتفلوا بعيدميلادي.

(النجاح في أي حاجة حتى لو في طبخة رز )

=====

بعد موت ماما
أنا نسيت طعم الأكل الحقيقي.

=====

 مامتي ماتت

حاسة أني بتجرع الحقيقة دي على مهل.

عالم موازي

في عالم موازِ

أحمد متجوز مُنى، ومنى مطلعة عينه، وعيالهم كتير حواليهم، وأحمد بيشد في شعره،

ومُنى بتقوله: هتصلع يا حبيبي ومحدش هيرضى يبص في وشك.

فيقولها : لو أصلعيت هيكون فيه بنوتة حلوة في عالم موازي اسمها مُنى برضه

 مستنياني بصلعتي.