فرصة تانية

"نعوض اللى فات"

وهو اللى فات ممكن يتعوض ازاى؟

العمر اللى راح

والقلب اللى اتكسر

والروح اللى اتشوهت

طفل يلهو

ويوم ما فتحت لك باب قلبي دخلت جواه واتمشيت فيه شويه وبعثرت محتوياته وخرجت وسيبت الباب متوارب..

ضعف الحب

لو لقيتي نفسك ضعيفة معاه
اعرفي أنك وقعتي ولاحدش سمى عليكي.

إجهاض

أنا امرأة اعتادت على إجهاض جنينها أفأعجز عن  انتزاعك من داخلي.

مواقف مخزية 4

عادي هو يطلب قهوة من الفندق اللي نازلين فيه
لكن هي لو طلبت عصير يبقى غالي ومالوش لازمة

-------

عنها لما حبت تعاير مرات ابنها قدام أهلها 
فقالت لها: أنتي نسيتي أني أنا اللي علمتك ازاي تعملي شوربة اللحمة؟

--------------

عنها لما جابت لأمه في عيد الأم خاتم ذهب

وهو مفكرش حتى يتصل بحماته ويقولها كل سنة وانتي طيبة

والاسم رجل

- حبها وهو خاطب.

- وبعدين؟

- ولا حاجة مستمر في إتمام مشروع الزواج، ومستمر برضه في حبها.


----------------

- كام واحد وعدها وخلف؟

- مابقيتش تعد خلاص.

----------------------

-أمال بوستني ليه طالما مابتحبنيش؟

- أنتي اللي رميتي نفسك عليا.

- بذمتك مش مكسوف!

مقتطفات نسائية (48)

- عن لبسها الجديد اللي من كتر ماقاسته بقى بالنسبة لها قديم.

-------

- عن كل حد كان بيرسم عليها وهو أصلا مرتبط.

------

- عارفة يعني ايه ترتبطي؟

يعني هتدخلي على مرحلة "يا طبطب ودلع يا يقولي أنا اتغيرت عليه

----------------

- اتصالك محى ما كان بيننا من ود.

--------

- تعرف؟
كون أنك تغلط في طليقتك
ده سبب كافي يخليني ماوافقش عليك

------------

- عن أمومة طفلتي وحنان صغيرتي.

-------------------

- أنا الي حمت القانون والقانون ماحمهاش.

--------------------

- حبي ليك هو اللي روضني معاك
مش أنت خالص

-------------------

- والفرحة في أنبوبة غاز توصل بيتها من غير بهدلة.

--------------------

- حاولت أفرحك على قد ما أقدر.

---------------

- يرونها دوما صديقة فقط

هي لا تصلح من وجهة نظرهم لتكون حبيبة وزوجة.

--------------

- تعرف المشكلة إيه؟

أنها شايفة أنها تستاهل أحسن واحد في الدنيا 

لكن اللي حواليها مش شايفين كده

---------------

- مين قال أني أحب أقوم بدور المرسال!

-----------------

- كلمة "يا حبيبتي" في لسانه دارجة.

-------------

- ويوم ماحد بعتلها جواب
كان خطه وحش ومايتقراش

----------------------

- طيب يعني كنت بتسألني على الحاجات اللي بحبها ليه

 اذا كنت هتجيبلي الحاجات اللي أنت بتحبها!