- عارف يعنى إيه مُطلق؟.
يعنى أول فرحتك كانت مع غيري..
أول مرة تتزف فيها وتركب عربية عليها ورد كان معاها..
أول مرة تدخل استوديو لتسجيل لحظاتكما كانت معاها..
أول مرة تعرف خبر أنك هتبقى أب كان منها..
أول مرة تشيل عيالك كنت معاها..
أول مرة تعيش قصة حب سنين طويلة قبل الزواج كان معاها..
شايفاك خلصت كل حاجة معاها ..
معايا أنا بقى هتحاول ترد ألمها ليك فيا أنا..
مش معقول هتحبنى زي ما كنت بتحبها،وماتقوليش أني برضه مُطلقة والحال من بعضه لإن مفيش وجه مقارنة.. أنا زيجتى ماتتحسبش..
ماكانش فيها كل ده.. أنا ماتجوزتش عن حب وكان يوم زفافي من أسوأ أيام حياتي ويومها ماكنتش عايزة أنزل من بيتنا، حتى الزفة وركوب العربية والتصوير فى الاستوديو كل ده ماحصلش ولا عمري حتى كنت حامل..
عرفت بقى أن مفيش وجه مقارنة.
وأن أول كل حاجة ناوية اعملها معاك.
في حاجات كتير في حياتنا اما بنعيشها او بنمارسها لأول مرة بنعتقد إنها القمة، لكن لو صادف والقدر خلانا نمارسها لمرة تانية ممكن نكتشف إن اول مرة دي وإللي إعتقدناها القمة، هي مجرد مستوى أولي، قشرة، وفي تجربتنا الثانية هذه وصلنا إلى اللب والجوهر والقمة الحقيقية.
ردحذف