محاولة إنقاذ

ترى هل فعلت لزوجتك شيئ مُبهج من أول يوم زواج إلى الآن تجعلها تترحم عليك إذا ما علمت خبر فاتك ؟.
احذف من قاموسك أنك مكفي البيت وبتجيب أكل ومش مخليها محتاجة حاجة.
أنا مابتكلمش على متطلبات المطبخ اللي طبيعي أنت ملزم تجيبها سواء كنت متزوج أو لأ طالما ستأكل في هذا البيت.
أتحدث هنا عن الأشياء التي تدخل السرور على قلبها .
الأشياء المبهجة والتي تترك في نفسها أثر طيب لا يمحوه شيء بسهولة.
راجع حساباتاك.
لو محتار اسألها.
قلها إيه أجمل يوم عيشتيه معايا؟.
إيه أحلى لحظة في زواجنا مش ممكن تنسيها؟.
صدقاً اجابتها هتفاجئك..
بس أنت جرب
ولو مكسوف تسألها .
اعمل حاجة حلوة فاجئها بيها علشان لو هي نست تبقى أنت تفكرها.
واعرف أنك ممكن تعمل حاجات حلوة بس هي ماتفتكرهاش تعرف ليه؟
 لأن الحاجات الوحشة جواها منك أكتر بكتير من أي موقف عدى عليها
 ممكن يكون حلو فعلا.
وازن الكفة واحكم بنفسك على حياتك معاها وشوفها هتبقى في صالحك ولا لأ.