غزل الروح

- فرحانة قوي كده ليه أنه قالك "أنتِ جميلة"  طيب ماهي دي الحقيقة.. أنتي مفكراه بيجاملك ولا بيغازلك؟.
- لا دي ولا دي هو قالها لما شافني من جوه بعيداً عن شكلي الظاهري.
في كل موقف وقفت فيه جنبه كان بيقولهالي.
في كل مرة فهمته فيها من غير ما يتكلم.. يقولهالي.
في كل لحظة كنت بدافع عنه فيها في غيابه وهو يعرف.. يقولهالي.
في كل مناسبة سألت عنه فيها واحنا متخاصمين.. يقولهالي.
في كل وقت زعلت منه فيه وهو ييجي يصالحني ومن أول ما احسها  في صوته
 أسامحه قبل مايعتذر، وأبرر له تصرفه كمان، ولا أني أشوف في عينيه نظرة كسرته وهو بيقولي "أنا آسف".. يقولهالي.

وما أجمل من يغازلون أرواحنا.